Старшыня Маладзёжнага Савета (парламента) пры Нацыянальным сходзе Рэспублікі Беларусь, член Канстытуцыйнай камісіі:
— Праект Канстытуцыі Рэспублікі Беларусь на працягу практычна года распрацоўваўся Канстытуцыйнай камісіяй, рабочай групай пад пільнай увагай Кіраўніка дзяржавы і яго непасрэдным удзелам у гэтым важным працэсе. Усе прапанаваныя на гэтым этапе змены актыўна публікаваліся ў СМІ і сацыяльных сетках і зыходзілі ад саміх грамадзян, якія агучваліся імі на сустрэчах з членамі Канстытуцыйнай камісіі і дыскусійных пляцоўках. Таму ўжо цяпер можна сказаць з упэўненасцю, што гэта народны праект нашага асноўнага закона, — лічыць лідар Маладзёжнага парламента.
Ён адзначае, што меркаваныя навацыі Канстытуцыі носяць прагрэсіўны характар:
— Яны арыентаваныя на тое, каб зрабіць нашу дзяржаву больш моцнай, а палітычную сістэму больш устойлівай.
Суразмоўнік звяртае ўвагу, што праект Асноўнага закона замацоўвае захаванне гістарычных і маральных вытокаў беларускага народа. Таксама захоўваецца сацыяльна арыентаваны курс развіцця Беларусі.
— Гэта значыць, што ў складаных эканамічных умовах наша краіна як і раней будзе падтрымліваць розныя катэгорыі грамадзян, аказваць адрасную дапамогу тым, хто мае ў гэтым патрэбу, — падкрэслівае Ягор Макарэвіч.
Ён лічыць важным, каб ва ўсенародным абмеркаванні змяненняў у Канстытуцыю брала ўдзел і моладзь:
— Бо менавіта маладым людзям трэба будзе прыняць эстафету ад старэйшага пакалення і зрабіць усё магчымае, каб Беларусь развівалася як моцная суверэнная дзяржава.
Таму лідар Маладзёжнага парламента звяртае ўвагу моладзі на тое, што сёння кожны малады чалавек можа выказаць свае прапановы ці заўвагі па праекце Асноўнага закона, і прапануе накіроўваць ідэі праз акаўнты Маладзёжнага парламента ў сацыяльных сетках або спецыяльную форму на сайце структуры mpns.by.
Вольга АНУФРЫЕВА
Сумесныя праекты ядзерных тэхналогій.
У парадку дня — зацвярджэнне Канцэпцыі нацбяспекі і Ваеннай дактрыны.