Вы тут

У інтэрнэце разышлося відэа са збіццём сабакі ў Віцебску


У канцы красавіка на прасторах інтэрнэту разышлося відэа са збіццём сабакі ў Віцебску. Выпадак быў настолькі жорсткім, што ў сітуацыю давялося ўмяшацца кіраўніку дзяржавы, паведамляе БелТА.


У роліку, які з’явіўся 30 красавіка ў інтэрнэце, жанчына на вуліцы нагамі збівае сваю сабаку. Спачатку на відэа адрэагавалі ў міліцыі: жанчыну затрымалі. Пазней гэта відэа паказалі Прэзідэнту, і ён не мог не ўмяшацца.

Высветлілася, што гаспадыня сабакі разведзеная, дзяцей няма. Раней была неаднаразова судзімая. У 2015 годзе яе за хуліганства прысудзілі да пяці гадоў абмежавання волі без накіравання ў выпраўленчую ўстанову, у 2017-м за ўхіленне ад адбыцця пакарання яе асудзілі на паўтара года пазбаўлення волі. Гэтым разам жанчыну хочуць прыцягнуць да адміністрацыйнай адказнасці за жорсткае абыходжанне з жывёламі, непадпарадкаванне міліцыі. Да суду яна змешчаная ў ізалятар часовага ўтрымання. Сваякі жанчыны сваёй біяграфіяй ёй не саступаюць, таму сабачка апынуўся ў прытулку.

Гаспадыня падпісала адмову ад сабакі. Шчанюка прывезлі ў Мінск, і 2 мая ў фінале хакейнай трэніроўкі Прэзідэнт падарыў яго трэнеру сваёй каманды, сенатару Дзмітрыю Баскаву.

Аказалася, собачка – хлопчык узростам год і тры месяцы. Вельмі кампанейскі, сямейны і любіць дзяцей.

Дарэчы, у краіне распрацоўваецца закон аб абароне жывёл. Яшчэ ў студзені Аляксандр Лукашэнка падчас Паслання беларускаму народу і Нацыянальнаму сходу падтрымаў распрацоўку гэтага законапраекта. Гэтую тэму перад Прэзідэнтам актуалізавала дэпутат Марыя Васілевіч.

«Абсалютна згодны з тым, што нарматыўных актаў, якія ў нас ёсць, недастаткова, — адзначыў кіраўнік дзяржавы. — Таму калі дэпутаты распрацуюць адпаведны законапраект і збяруць лепшае ў свеце, у тым ліку расийскае, я гатовы да гэтага падключыцца і спрыяць прыняццю дакумента па-за тым планам, які зацверджаны Прэзідэнтам, і прыводзіць яго ў жыццё».

Аляксандр Лукашэнка падзяліўся, што заўсёды хваравіта рэагуе, калі яму дакладваюць пра выпадкі жорсткага абыходжання з жывёламі. «Для мяне непрымальныя і недапушчальныя тры рэчы: плач дзяцей, гвалт над жанчынамі, забойства жывёл», — сказаў ён.

Выбар рэдакцыі

Культура

Чым сёлета будзе адметны фестываль песні і паэзіі ў Маладзечне?

Чым сёлета будзе адметны фестываль песні і паэзіі ў Маладзечне?

Арганізатары і ўдзельнікі свята запэўніваюць — знайсці сабе адпачынак па душы зможа кожны.

Экалогія

У Беларусі пабудуюць 30 рэгіянальных смеццеперапрацоўчых заводаў

У Беларусі пабудуюць 30 рэгіянальных смеццеперапрацоўчых заводаў

Агульная плошча звалак у Беларусі займае каля 4 тысяч гектараў. 

Грамадства

Ірына Даўгала: Сям’я для беларусаў застаецца найвышэйшай каштоўнасцю

Ірына Даўгала: Сям’я для беларусаў застаецца найвышэйшай каштоўнасцю

«Сям’я закладвае ў чалавеку мараль, здольнасць спраўляцца з выпрабаваннямі, патэнцыял для развіцця, яна навучае любові, самаахвярнасці, культуры».