Вы тут

Хатняя энцыклапедыя


Рулет з морквы з сырам і зелянінай

Спатрэбіцца: морква — 500 г, яйка — 4 шт., сыр тварожны сметанковы — 175 г, алей — 50 г, часнок — 1 зубчык, кроп — 4 галінкі, пятрушка — 4 галінкі, соль — на смак, перац — на смак.

Моркву надзерці на буйной тарцы. Разагрэць у патэльні алей і пасераваць моркву 5-7 хвілін. Выкласці моркву ў міску і астудзіць. Яйкі падзяліць на бялкі і жаўткі. Жаўткі крыху ўзбіць і дадаць да морквы. Пасаліць, паперчыць. Усё перамяшаць.

Бялкі ўзбіць да ўстойлівых пікаў, дадаць да морквы і асцярожна змяшаць знізу ўверх. Духоўку разагрэць да 180 °С. Бляху заслаць пякарскай паперай і выкласці маркоўную масу. Разраўняць лапаткай, надаць форму прамавугольніка. Паставіць бляху ў духоўку і выпякаць на працягу 15-20 хвілін.

Пакуль выпякаецца маркоўны корж, прыгатуем крэм. Тварожны сыр выкласці ў міску, дадаць дробна пасечаную зеляніва і здроблены зубчык часнаку. Усё добра перамяшаць.

Выняць гатовы маркоўны корж, перавярнуць яго на новы ліст для выпечкі, накрыць мокрым ручніком і пакінуць, пакуль не астыне. Затым асцярожна зняць паперу і намазаць корж прыгатаванай сырнай начынкай. З дапамогай паперы акуратна згарнуць у рулет. Абгарнуць яго фольгай і астудзіць у халадзільніку на працягу гадзіны.

Астуджаны рулет нарэзаць і падаваць да стала. Прыемнага апетыту!


Пірожныя «Шышкі»

Спатрэбіцца: пясочнае печыва — 200 г, згушчанае малако — 1 бляшанка, масла — 30 г, какава — 2 ст. л., сухі сняданак «Шакаладныя ракушкі» — 150 г, какосавая стружка — для падачы, цукровая пудра — для падачы.

Печыва ламаем. Можна зрабіць гэта ўручную, а можна скарыстацца спецыяльным здрабняльнікам. Дадаём да печыва какава-парашок, добра змешваем.

У сухую масу дадаём растопленае масла і адразу ж згушчанае малако, вымешваем да аднастайнасці.

Рукамі лепім фігуркі конусападобнай формы.

З дапамогай шматкоў ператвараем пірожныя «Бульба» ў «шышкі».

Пры падачы пасыпаем талерку какосавай стружкай, а пірожныя — цукровай пудрай.

Вельмі цікава і захапляльна будзе рабіць такі дэсерт з маленькімі дзеткамі!


Імбірнае пячэнне

Спатрэбіцца для цеста: 450 г мукі, 180 г масла, 100 г цукру, 1 яйка, 100 г вадкага мёду, 1 ч. л. соды, 0,5 ч. л. солі, 1 ст. л. молатага імбіру, 1 ст. л. молатай карыцы, 0,5 ч. л. молатай гваздзікі, 0,5 ч. л. молатага мускатнага арэха; для глазуры: 200 г цукровай пудры, 2—3 ст. л. малака, 1 пакуначак ваніліну.

У вялікай місцы змяшайце муку, соду, соль і вострыя прыправы. У іншым посудзе ўзбіце міксерам масла з цукрам. Дадайце яйка, мёд. Працягваючы ўзбіваць, парцыённа ўсыпце мучную сумесь, замясіце цеста. Зрабіце з яго шар, абгарніце плёнкай і астудзіце на працягу 2 гадзін (ці пакіньце ў халадзільніку на ноч). Потым тонка раскачайце, з дапамогай спецыяльных формаў выцісніце пячэнне, выкладзіце яго на засланую пергаментам бляху і запякайце ў разагрэтай да 175 °С духоўцы на працягу 8-10 хвілін. Гатовае пячэнне ўпрыгожце глазурай, проста змяшаўшы міксерам усе інгрэдыенты.


Дэкор са старых лыж і не толькі

Выбар рэдакцыі

Гараскоп

Усходні гараскоп на наступны тыдзень

Усходні гараскоп на наступны тыдзень

У пачатку тыдня да Ракаў могуць падступна падкрасціся трывогі і сумневы.

Здароўе

Як працуюць санаторныя школы-інтэрнаты для дзяцей, хворых на скаліёз?

Як працуюць санаторныя школы-інтэрнаты для дзяцей, хворых на скаліёз?

Па статыстыцы на пяць хворых дзяўчынак прыходзіцца толькі адзін хлопчык.

Рэгіёны

У якіх ўмовах працавалі медыкі ў гады вайны?

У якіх ўмовах працавалі медыкі ў гады вайны?

Подзвіг ваенурачоў адлюстроўвае выстава Брэсцкага абласнога краязнаўчага музея.

Грамадства

Што трэба ведаць тым, хто адпачывае каля вадаёмаў

Што трэба ведаць тым, хто адпачывае каля вадаёмаў

Нават пры наяўнасці на пляжы ратавальнай станцыі не варта грэбаваць элементарнымі правіламі бяспекі.