Вы тут

За нарказлачынствы летась прыцягнулі да адказнасці 109 непаўналетніх


Днямі ў міліцыю ад педагогаў адной са школ абласнога цэнтра паступіла інфармацыя, што непаўналетняя можа быць датычная да распаўсюджвання наркатычных сродкаў. Супрацоўнікі Кастрычніцкага РУУС Гродна неадкладна праверылі гэтую інфармацыю, якая пацвердзілася. Было ўстаноўлена, што на працягу месяца 16-гадовая дзяўчына працавала на інтэрнэт-краму па продажы псіхатропаў. Непаўнагадовая падазраваная распавяла, што вырашыла пайсці ў наркабізнес для заробку.


Гродзенскім міжраённым аддзелам Следчага камітэта ўзбуджана крымінальная справа па артыкуле «Незаконны абарот наркатычных сродкаў, псіхатропных рэчываў, іх прэкурсораў і аналагаў».

Дарэчы, летась каля 110 непаўналетніх прыцягнулі да адказнасці за нарказлачынствы. Пра гэта распавёў начальнік аддзела Галоўнага ўпраўлення па наркакантролі і супрацьдзеянні гандлю людзьмі крымінальнай міліцыі МУС Аляксандр Хіло.

«У нашай краіне летась збыт наркотыкаў ажыццяўляўся бескантактавым спосабам. Гэта адна з характэрных рыс. Акрамя таго, практычна ўсе злачынствы, звязаныя са збытам наркотыкаў, ажыццяўляюцца групай асоб. Наш боль — гэта ўцягванне падлеткаў у збыт наркотыкаў. У мінулым годзе 109 непаўналетніх былі прыцягнуты да адказнасці за злачынствы, звязаныя з незаконным абаротам наркотыкаў. Большасць — за збыт наркатычных сродкаў і псіхатропных рэчываў», — адзначыў Аляксандр Хіло.

Яшчэ адной характэрнай рысай, якая звязана з незаконным абаротам наркотыкаў у краіне, з'яўляецца шырокае распаўсюджванне такіх асабліва небяспечных псіхатропаў, як альфа-PVP і мефедрон. «У апошнія месяцы шырокае распаўсюджванне атрымала псіхатропнае рэчыва 4-СМС», — падкрэсліў Аляксандр Хіло.

Ён адзначыў, што на працягу апошніх пяці-сямі гадоў асноўным інструментам для збыту наркотыкаў з'яўляецца інтэрнэт. «Што тычыцца вынікаў мінулага года, то мы адзначаем зніжэнне выяўленых нарказлачынстваў у параўнанні з 2021 годам. Таксама адзначаецца зніжэнне колькасці непаўналетніх, прыцягнутых да адказнасці. Памяншаецца і колькасць грамадзян, дастаўленых у медыцынскія ўстановы з прыкметамі перадазіроўкі наркотыкамі, а таксама значна памяншаецца колькасць смяротных зыходаў ад атручвання наркотыкамі. Варта адзначыць значны рост выяўленых нарказлачынстваў, учыненых групай асоб. Гэта сведчыць аб арганізаванай структуры наркабізнесу», — сказаў на заканчэнне Аляксандр Хіло.

Данііл ХМЯЛЬНІЦКІ

Прэв’ю: БелТА

Выбар рэдакцыі

Грамадства

Больш за 100 прадпрыемстваў прапанавалі вакансіі ў сталіцы

Больш за 100 прадпрыемстваў прапанавалі вакансіі ў сталіцы

А разам з імі навучанне, сацпакет і нават жыллё.

Эканоміка

Торф, сапрапель і мінеральная вада: якія перспектывы выкарыстання прыродных багаццяў нашай краіны?

Торф, сапрапель і мінеральная вада: якія перспектывы выкарыстання прыродных багаццяў нашай краіны?

Беларусь — адзін з сусветных лідараў у галіне здабычы і глыбокай перапрацоўкі торфу.

Грамадства

Адкрылася турыстычная выстава-кірмаш «Адпачынак-2024»

Адкрылася турыстычная выстава-кірмаш «Адпачынак-2024»

«Мы зацікаўлены, каб да нас прыязджалі».