Павышэнне эфектыўнасці работы дзяржструктур з грамадзянамі і суб’ектамі гаспадарання, ролі мясцовых органаў улады ў вырашэнні праблем, якія хвалююць насельніцтва, а таксама адкрытасці дзяржорганаў. Такія задачы мае на ўвазе Указ «Аб змяненні Дырэктывы Прэзідэнта Рэспублікі Беларусь», падпісаны 13 чэрвеня. Гаворка ідзе пра Дырэктыву № 2 «Аб дэбюракратызацыі дзяржаўнага апарата і павышэнні якасці жыццядзейнасці насельніцтва».
Дырэктыва працуе ўжо больш за 16 гадоў, і яна, безумоўна, стварыла пэўную прававую базу ў абазначаным накірунку работы ў цеснай узаемасувязі з законам аб зваротах грамадзян і іншымі заканадаўчымі актамі. Аднак з часам спатрэбіліся змяненні ў гэтыя нарматыўныя акты, дапаўненне іх зместу і актуалізацыя некаторых пытанняў, у прыватнасці, гэта датычыцца інфарматызацыі, расказаў Валянцін Семяняка, старшыня Пастаяннай камісіі па дзяржаўным будаўніцтве, мясцовым самакіраванні і рэгламенце Палаты прадстаўнікоў Нацыянальнага сходу:
— Работа са зваротамі грамадзян — адзін з прыярытэтных накірункаў органаў улады ўсіх узроўняў, і гэтаму пытанню надаецца пастаянная пільная ўвага кіраўніка дзяржавы. Праз занятасць на асноўным месцы працы і існаванне сваіх іншых асабістых пытанняў людзі заўжды негатыўна выказваюцца, калі ім даводзіцца траціць час на адміністрацыйныя працэдуры і звароты да дзяржслужачых, таму гэтыя моманты прапісаны ў Дырэктыве адпаведна з Указам. У дакуменце абазначаны механізм, як дазволіць аблегчыць стасункі грамадзян з прадстаўнікамі ўлады і больш эфектыўна выкарыстоўваць інфарматыўныя тэхналогіі. Уласна кажучы, такая практыка ўжо ёсць, і яна абмяркоўвалася летась на рэспубліканскім семінары аб дэбюракратызацыі. А прыняты сёлета нарматыўны акт аб актуалізацыі асноўных пытанняў у гэтым накірунку дапаможа зрабіць гэтую работу больш дзейснай.
Старшыня камісіі мяркуе, што Указ дапаможа не толькі палепшыць дыялог людзей і ўлады, але і ў вырашэнні пытанняў па развіцці тэрыторый і іх асабістых праблемах, якія час ад часу ўзнікаюць і вядомыя дэпутатам усіх узроўняў.
— Усе праблемы нам агучваюцца падчас прыёмаў і сустрэч, і, часам, нам прыходзіцца самім умешвацца ў работу дзяржорганаў, каб пэўным чынам скарэкціраваць некаторыя негатыўныя моманты. У абноўленай Дырэктыве дэпутатам усіх узроўняў прадпісана больш актыўна працаваць з ініцыятывамі грамадзян, стымуляваць іх і суправаджаць цягам рэалізацыі. І ў гэтым кантэксце сінхронна вядзецца работа над зменамі ў закон аб ораганах мясцовага кіравання і самакіраванні, які, як мяркуецца, будзе прыняты на сесіі ў чэрвені, — паведаміў Валянцін Семяняка.
У законе, у прыватнасці, акрэслены механізмы па прадастаўленні рэсурсаў для грамадскіх ініцыятыў. Часам, людзі звяртаюцца да мясцовых дэпутатаў з нейкай прапановай аб добраўпарадкаванні тэрыторыі ці правядзенні нейкага мерапрыемства, а грашовыя сродкі на ажыццяўленне гэтага ў мясцовым бюджэце, як правіла, не запланаваны. Абноўлены закон аб мясцовым самакіраванні дае людзям магчымасць не толькі звярнуцца са сваімі ініцыятывамі ў Саветы дэпутатаў, але і атрымаць (у выпадку задавальнення ідэі) грошы на яе рэалізацыю з мясцовага і рэспублікаскага бюджэтаў. У сёлетнім бюджэце, дарэчы, сродкі на гэта ўжо закладзены. Пры гэтым толькі 10% ад плануемага кошту работ прыйдзецца аплаціць самі людзям.
— Думаю, гэтая мера дапаможа больш якасна вырашаць мясцовыя праблемы, разглядаць іх з удзелам зацікаўленых службовых асоб і даводзіць да лагічнага завяршэння, — лічыць дэпутат. — А калі такія ініцыятывы будуць задаволены абласнымі асацыяцыямі дэпутатаў, то мясцовыя органы выканаўчай улады павінны будуць выканаць гэтыя работы, прыняць аб’ект на баланс і забяспечыць іх далейшае функцыянаванне. Гэта рэальная праца і дзеянні, да якіх могуць прыводзіць ініцыятывы грамадзян.
Безумоўна, будзе працягнута работа па правядзенні прыёмаў грамадзян усіх форм (выязных, асабістых, гарачых ліній) з выкарыстаннем напрацаванага станоўчага вопыту па выкананні Дырэктывы № 2.
У гэтым дакуменце знайшлі адлюстраванне задачы не толькі па паляпшэнні эфектыўнасці ўзаемадзеяння органаў улады з грамадзянамі, але і закладваюцца механізмы рэалізацыі гэтых задач, прапрацаваны шляхі іх вырашэння. У тым ліку за кошт тэхналагізацыі працэсаў і пашырэння дзейнасці інфармацыйных рэсурсаў. Усё гэта ў выніку станоўча адаб’ецца на павышэнні дабрабыту грамадзян, перакананы Валянцін Семяняка. Ён падкрэсліў, што прыведзеныя ў Дырэктыве захады па інфарматызацыі работы з грамадзянамі даюць магчымасць не проста аўтаматызаваць гэтыя працэсы, але і наладзіць стасункі ў абодвух накірунках: ад улады да грамадзян і ад грамадзян да ўлады.
Ірына СІДАРОК
Указам узмоцнена значнасць і эфектыўнасць прамых тэлефонных ліній, якія праводзяцца на месцах.
Гэта будзе садзейнічаць звароту грамадзян непасрэдна на месцы і больш аператыўнаму вырашэнню пытанняў, якія ўзнікаюць кіраўнікамі раённых, гарадскіх выканкамаў. Улічваючы характар пытанняў, якія паступаюць на тэлефонныя лініі, як паказвае практыка, менавіта на гэтым узроўні могуць і павінны здымацца ўсе праблемныя пытанні.
Удакладнены парадак асабістага прыёму грамадзян і прадстаўнікоў юрыдычных асоб.
Да ўнясення змен у Дырэктыву асабісты прыём праводзіўся з 8.00 да 13.00.
Улічваючы занятасць насельніцтва, у мэтах прадастаўлення магчымасці грамадзянам звароту на асабісты прыём у зручны час прынята рашэнне аб правядзенні кіраўнікамі дзяржаўных органаў, у тым ліку мясцовых органаў улады, асабістага прыёму з 8.00 да 13.00 або з 15.00 да 20.00. Пры гэтым хаця б адзін раз у месяц асабісты прыём павінен заканчвацца не раней за 20.00.
Аблвыканкамам, Мінскаму гарвыканкаму даручана:
Акрамя таго, улічваючы развіццё спосабаў накіравання зваротаў, паступовае пашырэнне пераліку працэдур, па якія можна звярнуцца ў электроннай форме, Савету Міністраў даручана прыняць меры па забеспячэнню шырокапалоснага доступу да сеткі Інтэрнэт насельніцтва, якое пражывае ў сельскай мясцовасці.
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
