У мінскім выдавецтве «Право и экономика» пабачыў свет зборнік «Мікалай Якаўлевіч Зайцаў. Герой. Педагог. Вучоны», укладальнікам якога з’яўляецца кандыдат філасофскіх навук Рыгор Лянькевіч. Кніга выдадзена ў серыі «Вучоныя Беларусі», заснаванай у 2021 годзе.
Герой Савецкага Саюза Мікалай Зайцаў (1923 — 2012) — паветраны ас, палкоўнік, вучоны, кандыдат філасофскіх навук. Шмат гадоў працаваў у Беларускім дзяржаўным універсітэце. У зборніку, прысвечанаму 100-годдзю героя, педагога, вучонага, уражвае шматграннае асвятленне ўкладу ўраджэнцаў Беларусі ў Вялікую Перамогу. На старонках выдання — згадкі пра маршала авіяцыі С. Красоўскага, радзіма якога — Магілёўшчына, Быхаўскі край, пра іншых ваеначальнікаў і Герояў Савецкага Саюза. Падрабязна асвятляецца педагагічная, навуковая і грамадская дзейнасць Мікалая Якаўлевіча Зайцава.
Асобныя старонкі выдання прысвечаны палкаводцу Вялікай Айчыннай вайны генералу арміі Івану Данілавічу Чарняхоўскаму (1906 — 1945), які лічаныя дні не дажыў да прысваення яму звання Маршала Савецкага Саюза. Камандуючы 3-м Беларускім фронтам пакінуў асаблівы след у ваеннай гісторыі Беларусі.
Кнігай, прысвечанай 100-годдзю Мікалая Зайцава, укладальнік кандыдат філасофскіх навук Рыгор Лянькевіч і яго паплечнікі па рэдакцыйнай калегіі праекта «Вучоныя Беларусі» акрэслілі памкненні шырэй расказваць пра легендарных землякоў — вучоных, ваеначальнікаў, дзяржаўных дзеячаў.
Сяргей ШЫЧКО
Прэв’ю: pixabay.com
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
