У Барысаўскай цэнтральнай раённай бібліятэцы імя І. Х. Каладзеева адбылася сустрэча з дырэктарам — галоўным рэдактарам Выдавецкага дома «Звязда», старшынёю Саюза пісьменнікаў Беларусі Алесем Карлюкевічам. Размова з бібліятэкарамі горада і раёна ішла пра тыя кніжныя навінкі, якія пабачаць свет у Выдавецкім доме ў 2024 годзе.
Кіраўнік выдавецтва расказаў пра асноўных аўтараў, над кнігамі якіх праца ідзе не першы год, — пра тое, што знаходзіцца ў кніжным партфелі «Звязды» з твораў Кацярыны Хадасевіч-Лісавой, Ганны Чыж-Літаш, Алены Стэльмах, Паўла Гушынца і іншых сучасных пісьменнікаў. Дарэчы, імёны і кнігі гэтых пісьменнікаў добра вядомы ў Барысаве і Барысаўскім раёне. Бібліятэкары актыўна цікавіліся выданнем мастацкая літаратуры, якая прадстаўлена, вывучаецца ў школьнай праграме, уключана ў праграмау пазакласнага чытання. Акрамя кніг серыі «Школьная бібліятэка», якія стопрацэнтна трапляюць толькі ў школьныя бібліятэкі, Выдавецкі дом «Звязда» з разлікам на школьнікаў і настаўнікаў, якія выкладаюць беларускую літаратуру, прапануюць бібліятэкам кнігі пад вокладкай «Школьная бібліятэка класікі». Яны паступаюць у публічныя бібліятэкі краіны без усялякіх абмежаванняў.
Сярод пытанняў, якія агучваліся на сустрэчы ў Барысаве, было і зацікаўленне лёсам некалі запланаванага «Беларускай Энцыклапедыяй імя Петруся Броўкі» энцыклапедычнага даведніка «Краязнаўства». У свой час раённая бібліятэка прадставіла выдавецтву інфармацыю пра рэгіянальнае развіццё краязнаўства. Відавочна па ўсім, што энцыклапедычны даведнік «Краязнаўства» знайшоў бы свайго чытача і ў Барысаве, і па ўсёй краіне.
Раман СЭРВАЧ
Прэв’ю: pexels.com
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
