Вы тут

З 13 да 20 кастрычніка беларусы змогуць атрымаць бясплатныя прававыя кансультацыі


Шматдзетныя бацькі і сужэнцы, якія выхоўваюць дзяцей-інвалідаў, 13 кастрычніка могуць атрымаць бясплатныя юрыдычныя кансультацыі ў рамках дабрачыннай рэспубліканскай акцыі, прымеркаванай да Дня маці і Дня бацькі, ва ўсіх натарыяльных бюро і канторах Беларусі. А Галоўнае ўпраўленне юстыцыі Мінгарвыканкама цягам тыдня кожны дзень чакае грамадзян на прамых тэлефонных лініях.


Фота: pixabay.com

На працягу рабочага дня 13 кастрычніка спецыялісты натарыяльных бюро і кантор усёй Беларусі адкажуць на пытанні, якія ўваходзяць у іх кампетэнцыю. Натарыусы патлумачаць, як скласці і засведчыць пагадненне аб дзецях, шлюбны дагавор, пагадненне аб выплаце аліментаў. Падкажуць, як аформіць спадчынныя правы, скласці завяшчанне або здзейсніць здзелку па набыцці-продажы-адчужэнні нерухомасці.

Тым не менш, як паказвае практыка, большасць зваротаў у гэты дзень датычыцца менавіта шлюбна-сямейных стасункаў.

— Такія мерапрыемствы па прававой асвеце, прымеркаваныя да дзяржаўных свят і памятных дат, традыцыйныя для натарыяльнай суполкі. Іх мэта — забяспечыць абарону правоў і інтарэсаў грамадзян, павысіць узровень прававой свядомасці, культуры і адукаванасці людзей, — заўважыў Юрый Лукашэвіч, прэс-сакратар Беларускай натарыяльнай палаты. — Шмат пытанняў, якія вельмі цікавяць сем’і, датычацца, напрыклад, мацярынскага капіталу.

Што датычыцца пагаднення аб дзецях, то тут натарыусы дапамогуць разабрацца з памерамі аліментаў і іншых выплат на малых; вызначыцца, з кім дзеці будуць пражываць; абазначыць парадак выезду непаўналетніх за мяжу. Атрымаць грунтоўныя адказы ад натарыусаў можна і наконт шлюбнага дагавора: калі яго лепш скласці, што ў ім абазначыць, ці можна ўнесці ў дакумент змены альбо ўвогуле пасля скасаваць яго.

Поўны спіс натарыяльных кантор і бюро краіны, а таксама кантакты і час работы натарыусаў можна знайсці на сайце БНП у раздзеле «Знайсці натарыуса».

Натарыусы, адвакаты, работнікі ЗАГСаў і прадстаўнікі органаў прымусовага выканання цягам тыдня з 13 да 20 кастрычніка кожны дзень з 9.00 да 13.00 чакаюць званкоў грамадзян. Тэму, імя спецыяліста і нумар тэлефона для бясплатнай кансультацыі можна даведацца на сайце Галоўнага ўпраўлення юстыцыі Мінгарвыканкама.

Ірына СІДАРОК

Выбар рэдакцыі

Калейдаскоп

Усходні гараскоп на наступны тыдзень

Усходні гараскоп на наступны тыдзень

Стральцам на гэтым тыдні не трэба пераацэньваць сваіх магчымасцяў.

Гандаль

Кандытарскія вырабы — брэнд беларускай харчовай прамысловасці

Кандытарскія вырабы — брэнд беларускай харчовай прамысловасці

Напярэдадні Міжнароднага сімпозіума кандытараў эксперты расказалі аб планах і перспектывах кандытарскай галіны.

Сям'я і дэмаграфія

Святлана Клачкова: Чым больш дзяцей, тым больш любові

Святлана Клачкова: Чым больш дзяцей, тым больш любові

Як жа шматдзетная сям’я спраўляецца з хатнімі клопатамі?