На прасторы Саюзнай дзяржавы працуе агульны Саюз пісьменнікаў. У яго ў індывідуальным парадку ўваходзяць сотні літаратараў Беларусі і Расіі. На чале Саюза пісьменнікаў Саюзнай дзяржавы — яго сустаршыні: старшыня Саюза пісьменнікаў Расіі празаік Мікалай Іваноў і ганаровы старшыня Саюза пісьменнікаў Беларусі, народны пісьменнік Беларусі Мікалай Чаргінец.
Сярод пераліку сумесных мерапрыемстваў — аб’яднаныя пленумы, прэзентацыя твораў пісьменнікаў Беларусі ў Расіі, паэтаў і празаікаў Расіі — у Беларусі, іншыя супольныя праекты. Даволі часта беларускія літаратары атрымліваюць творчыя прэміі ў Расійскай Федэрацыі, выдаюць свае кнігі ў Маскве і Санкт-Пецярбургу. Як прыклад — нядаўняя адзнака магілёўскага публіцыста Мікалая Барысенкі прэстыжнай расійскай прэміяй «Прохараўскае поле».
А зусім нядаўна ў члены Саюза пісьменнікаў Саюзнай дзяржавы прынята беларуская публіцыстка, журналістка, заслужаны дзеяч культуры Рэспублікі Беларусь Аліна Грышкевіч. Білет сябра беларуска-расійскай творчай арганізацыі ёй уручыў сустаршыня Саюза пісьменнікаў Саюзнай дзяржавы Мікалай Чаргінец.
Сяргей ШЫЧКО
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
