Вы тут

85-гадовы юбілей адзначыў Нацыянальны мастацкі музей Рэспублікі Беларусь


Нацыянальны мастацкі музей маштабна адзначыў юбілей — 85 гадоў. Сёння ў калекцыі культурнай скарбніцы звыш 30 тысяч твораў сусветнага мастацтва. З нагоды ўрачыстасці адбылося святочнае адкрыццё тэматычнай выставы «Мастацкаму — 85. Афішы і фатаграфіі».


У экспазіцыі сабраны больш за 60 афіш і фатаграфіі з архіва музея і Беларускага дзяржаўнага архіва кінафотафонадакументаў. Усе яны адлюстроўваюць ключавыя моманты гісторыі музея, пачынаючы з дзяржаўнай маляўнічай галерэі на Карла Маркса і заканчваючы найбуйным культурным цэнтрам краіны. Варта адзначыць, што афішы пададзены на выставе ўпершыню.

Калегі і былыя супрацоўнікі ўстановы, вядомыя дзеячы мастацтва прыйшлі павіншаваць калектыў музея з гэтай значнай датай. Святочную канцэртавую праграму падрыхтавалі навучэнцы Мінскай дзіцячай музычнай школы № 1.

— Нацыянальны мастацкі музей — гэта месца сілы, нацыянальнага набытку. Гэта адзіная ўстанова ў нашай краіне, якая папулярызуе, прапагандуе і прапаведуе выяўленчае мастацтва, дэкаратыўна-ўжытковае мастацтва нашай краіны. Гэта нейкі маяк духу, прызваны выхоўваць нашу нацыю, наш народ, — расказала Ганна Конанава, генеральны дырэктар Нацыянальнага мастацкага музея Беларусі.

— Найранейшая афіша датуецца 1945 годам. На жаль, даваенных афіш не захавалася, вайна не дазволіла ім уцалець, хоць яны, безумоўна, былі. А апошняя афіша датуецца гэтым годам. Афіша 1945 года паказвае 33 мастакі, якія ўцалелі ў гады вайны і арганізавалі выставу, прысвечаную Дню Перамогі, — дапоўніла Надзея Вусава, асноўны навуковы супрацоўнік Нацыянальнага мастацкага музея Беларусі.

Кацярына УРБАН 

Фота аўтара

Выбар рэдакцыі

Грамадства

Сёння распачынае работу УНС у новым статусе

Сёння распачынае работу УНС у новым статусе

Амаль тысяча дзвесце чалавек збяруцца, каб вырашаць найважнейшыя пытанні развіцця краіны. 

Навука

Наколькі эфектыўна працуе сістэма інтэлектуальнай уласнасці?

Наколькі эфектыўна працуе сістэма інтэлектуальнай уласнасці?

Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.

Здароўе

У Нацыянальны каляндар плануюць уключыць новыя прышчэпкі

У Нацыянальны каляндар плануюць уключыць новыя прышчэпкі

Як вакцыны выратоўваюць жыцці і чаго можа каштаваць іх ігнараванне?

Грамадства

Курс маладога байца для дэпутата

Курс маладога байца для дэпутата

Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.