Супрацоўнікі наркакантролю ГУУС Мінгарвыканкама і Фрунзенскага РУУС сталіцы падчас правядзення комплексу аператыўна-вышуковых мерапрыемстваў па перакрыцці канала пастаўкі наркатычных рэчываў з Расійскай Федэрацыі ў нашу краіну затрымалі 27-гадовага жыхара горада.
У мэтах наступнай рэалізацыі мужчына прывёз у Мінск гашыш. Падчас асабістага надгляду ў яго канфіскавалі кілаграм гэтага наркотыку. Агульны кошт такой вялікай колькасці наркатычнага рэчыва ў Расіі — 20 тысяч долараў, паведамляе прэс-служба ГУУС Мінгарвыканкама. Гэтага гашышу ў пераразліку хапіла б на пяць тысяч разавых доз.
Вядома, што мужчына раней да крымінальнай адказнасці не прыцягваўся, працуе ў адным са сталічных ТАА. За незаконны абарот наркотыкаў мінчаніну пагражае да 15 гадоў пазбаўлення волі.
Сяргей РАСОЛЬКА
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
