Фотаслова Яўгена Пясецкага

Я ніколечы не жыў без хлеба —

Хоць крышанчык, ды ў кішэні быў.

Ўдосталь мне было зямлі і неба,

І ваду з крыніцы ўдосыць піў.

Шчыра хлеб дзяліў я з незнаёмым,

Птушкам неба шчодра раздаваў,

Да крыніц заўжды ішоў з паклонам,

Бедаваў, ды веры не губляў...

Ні пра што ў мінулым не шкадую,

Але ўсё аддам, каб толькі зноў,

Зноў малым ступіць на сцежку тую,

Дзе з матуляй басанож ішоў.