Знакамітая спартсменка Кацярына Карстэн перамагла ў чэмпіянаце Беларусі па акадэмічным веславанні ў Брэсце. Яна перайграла маладзейшых саперніц у лодцы-адзіночцы — Ганну Валаховіч і Аляксандру Кірыковіч.
У федэрацыі веславання адзначылі, што Карстэн плануе адабрацца на свае восьмыя летнія Алімпійскія гульні ў Токіа ў складзе аднаго з беларускіх экіпажаў. Чэмпіянат Беларусі стаў кантрольным перад галоўным стартам сезона для беларускіх весляроў акадэмічнага стылю ў аўстрыйскім Лінцы, дзе з 26 жніўня да 1 верасня пройдзе чэмпіянат свету.
Нагадаем, 47-гадовая Кацярына Карстэн з'яўляецца двухразовай алімпійскай чэмпіёнкай, сярэбраным і бронзавым прызёрам Гульняў, шасціразовай чэмпіёнкай свету, першым у гісторыі поўным кавалерам беларускага ордэна Айчыны (2008).
Дар'я ЛАБАЖЭВІЧ
Летась зафіксавана зніжэнне колькасці выпадкаў гібелі на вытворчасці.
Карэспандэнты «Звязды» пабачылі, як праходзяць рэпетыцыі.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
