Мінск «накрыла» першым сур’ёзным сёлета снегападам. Спачатку ледзь снежыла. Але праз гадзіну за белай завесай схаваліся гарадскія краявіды і разам з імі надзея гараджан на добрае надвор’е.
Неўзабаве пачали з’яўляцца аўтамабільныя пробкі на скрыжаваннях, а снежныя гурбы ўсё часцей прымушалі пешаходаў шукаць карацейшыя шляхі праз непагадзь.
Галоўныя транспартныя артэрыі горада снег перакрыць не здолеў: механізаваныя атрады камунальнай гаспадаркі своечасова выйшлі ў атаку на снегапад. Да расчысткі далучылася і мноства гараджан з простым, але заўжды надзейным рыштункам у руках.
Адзін са здымкаў гэтага фотарэпартажа зроблены каля будынка тэатра імя Янкі Купалы. Супрацоўнікі тэатра, выкарыстоўваючы снегаадкідвальнік з невялічкім бензаматорам і тыя ж самыя рыдлёўкі, расчысцілі дарогу да галоўнага ўвахода. Праз паўгадзіны ў тэатры пачынаецца спектакль. Ніякі снегапад не перашкодзіць!
Яўген ПЯСЕЦКІ
Фота аўтара
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
