Вы тут

У Брэсце праходзіць выстава «Садзейнічанне здароваму ладу жыцця-2013». Што вы тут знайшлі для сябе?


Таццяна ПАНЧУК, інструктар па працатэрапіі Шарашоўскага дома-інтэрната Пружанскага раёна:

1380318899179_1

— Мы прыехалі на выставу з вялікімі спадзяваннямі звярнуць на сябе ўвагу. Бачыце, колькі прыгожых вышыванак, іншых вырабаў (паказвае) падрыхтавалі нашы пацыенты? Многія з 300 жыхароў інтэрната праводзяць тут усё жыццё. Некаторыя маюць добрыя схільнасці да рукадзелля. Вось як напрыклад, Вадзім Латыш. Яго жыццёвы шлях: дом немаўляці, затым дзіцячы дом, потым наш інтэрнат. Малады чалавек вышывае левай рукой. Работы Вадзіма вельмі сонечныя, яркія, як і многіх іншых нашых майстроў. Мы спадзяёмся, што нешта ўдасца прадаць, выручыць грошы для аўтараў работ. А яшчэ большае спадзяванне маем на тое, што людзі звернуць ўвагу на нашу ўстанову, праявяць міласэрнасць, стануць трохі дабрэйшымі.

Любоў ПАПОВА, медыцынскі работнік, шматдзетная маці:

1380318900638_2

— Для нас выстава стала сямейным святам. Тут нам уручылі дыпломы і падарункі як пераможцу абласнога конкурсу «Здаровая сям'я». І мы цяпер расказваем іншым, нешта накшталт майстар-класа, пра традыцыі сваёй сям'і. Мы з мужам не курым, не ўжываем спіртнога, кожны дзень з ранку робім прабежкі. Наш 17-гадовы сын з малых дзён займаўся спортам (хакеем, гімнастыкай, конным спортам), удзельнічаў у розных спаборніцтвах. Зараз ён вучыцца ў Маскве. 11-гадовы сын таксама займаецца ў секцыі дзюдо, ходзіць на плаванне. 3-гадовая Ліза робіць зарадку разам з мамай і татам.

Усёй сям'ёй ходзім на прагулкі, любім прыроду. Нашы захапленні падзяляюць дзеці. І гэта вельмі важна ў справе выхавання дзяцей. Добра, што на тэмы сямейнага здароўя гавораць на такіх маштабных форумах.

Ларыса АХРАМУК, журналіст:

1380318901624_3

— Гэта дзявятая выстава на тэму здаровага ладу жыцця ў нашым горадзе. Я асвятляла практычна ўсе з іх і бачу, што з кожным годам павялічваецца маштаб выставы. Сёлета ў Лядовым палацы працуюць каля дваццаці ўрачоў, спецыялістаў вузкага профілю: псіхіятр, эндакрынолаг, акуліст, кардыёлаг, анколаг, гінеколаг і іншыя. Наведвальнікі маюць магчымасць атрымаць кансультацыю, а калі трэба — талон альбо накіраванне ў медустанову. І такія прыёмы карыстаюцца ўсё большай папулярнасцю ў гараджан. Асаблівую актыўнасць праяўляюць пенсіянеры.

Сёлета падчас выставы праводзіцца запіс у спартыўныя гурткі і секцыі... Не варта забываць, што гэта выстава-кірмаш. Для сябе ў адным з павільёнаў я набыла ікру. Тут, дарэчы, гэты далікатэс прадавалі танней, чым у краме. Гандлёвы рад харчовых тавараў, на мой погляд, выглядае прыстойна.

Святлана ЯСКЕВІЧ.

Выбар рэдакцыі

Грамадства

Канфуцый «прапісаўся» ў Мінску. Гутарым з дырэктарам Рэспубліканскага інстытута кітаязнаўства імя Канфуцыя БДУ, былым паслом Беларусі ў Кітаі Анатолем Тозікам

Канфуцый «прапісаўся» ў Мінску. Гутарым з дырэктарам Рэспубліканскага інстытута кітаязнаўства імя Канфуцыя БДУ, былым паслом Беларусі ў Кітаі Анатолем Тозікам

20 студзеня Беларусь і Кітай адзначаюць 29-ю гадавіну ўстанаўлення дыпламатычных адносін паміж нашымі краінамі. 

Грамадства

«Сталінскі праспект мы называлі брадвеем». Як і чым жылі беларускія стылягі

«Сталінскі праспект мы называлі брадвеем». Як і чым жылі беларускія стылягі

Пасля смерці Сталіна «жалезная заслона», якая аддзяляла Савецкі Саюз ад навакольнага свету, прыадчынілася.