«Заўсёды ў руху» і «Усё сваё нашу з сабою» — на латыні напісана на віншавальных паштоўках Арлена Кашкурэвіча, выстава якіх — «Ab іmo pectore» («Ад усёй душы») — адкрылася 14 студзеня ў Нацыянальным мастацкім музеі.
Выстава гэта незвычайная: экспанаты ўвогуле не падобныя на складаную, насычаную, экспрэсіўную творчасць народнага мастака Беларусі, лаўрэата Дзяржаўнай прэміі БССР і прафесара. Вядома ж: у музеі прадстаўлены паштоўкі знакамітага беларускага мастака ў тэхніцы лінагравюры, якія прызначаны для віншавання блізкіх людзей. Адсюль — цеплыня, жартаўлівасць і галоўны персанаж: вядомы герой італьянскай камедыі дэль артэ П'еро. «З'яўляючыся своеасаблівым alter ego аўтара паслання, гэты персанаж нібы падкрэслівае афарызм — то жартаўлівы, то павучальны, то пакаянны, але заўсёды добразычлівы, кранальны і шчыры».
Разам з адкрыццём выставы адбылася прэзентацыя кнігі «Арлен Кашкурэвіч» з серыі «Славутыя мастакі з Беларусі», аўтарам якой стаў Канстанцін Барабанаў.
Выстава працягнецца да 16 лютага.
Ірэна КАЦЯЛОВІЧ.
Сумесныя праекты ядзерных тэхналогій.
У парадку дня — зацвярджэнне Канцэпцыі нацбяспекі і Ваеннай дактрыны.