Першы абласны конкурс прыгажосці і творчасці сярод дзяцей з парушэннем слыху "Маленькія міс і містар Deaf" пройдзе 24 лістапада ў Цэнтры інклюзіўнай культуры ў Гомелі, паведамілі арганізатары мерапрыемства.
За тытулы пазмагаюцца хлопчыкі і дзяўчынкі з усёй вобласці ва ўзросце ад 6 да 12 гадоў, якія маюць інваліднасць па слыху.
Свае таленты і здольнасці дзяўчынкі і хлопчыкі прадэманструюць у шасці турах. Адкрые конкурс дэфіле "Знаёмства". Далей у "Візітнай картцы" прэтэндэнты на перамогу раскажуць пра сябе, сваіх інтарэсах, захапленнях і г.д. Спрыт, грацыю, фізічную падрыхтоўку хлопцы прадэманструюць на этапе "Са спортам на ты". У конкурсе імправізаванага касцюма ўдзельнікі выйдуць на подыум у камплектах, вырабленых з паперы, пакетаў, прыродных матэрыялаў і іншых падручных сродкаў. Харызму, культуру паводзін на сцэне, акцёрскае майстэрства, творчыя здольнасці дзяўчынак і хлопчыкаў журы ацэніць падчас выканання хлопцамі канцэртных нумароў - гэта можа быць жэставая песня, танец, сцэнка, верш. Завершыць конкурсную праграму дэфіле ў вячэрніх строях.
Па выніках усіх тураў назавуць імёны "Маленькай міс Deaf" і "Маленькага містара Deaf". Таксама журы вызначыць уладальнікаў тытулаў "Маленькая міс зачараванне" і "Маленькі містар чароўнасць", "Маленькая міс артыстызм" і "Маленькі містар артыстызм". Пераможцы атрымаюць дыпломы і падарункі, а ўсе ўдзельнікі - граматы і сувеніры.
Арганізатарам конкурсу выступае цэнтр інклюзіўнай культуры - філіял Гарадскога цэнтра культуры пры падтрымцы партнёраў і спонсараў. Сярод асноўных мэтаў і задач мерапрыемства - прапаганда творчасці інвалідаў па слыху, іх інтэграцыя ў грамадства, арганізацыя культурнага вольнага часу.
Летась зафіксавана зніжэнне колькасці выпадкаў гібелі на вытворчасці.
Карэспандэнты «Звязды» пабачылі, як праходзяць рэпетыцыі.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.