Вы тут

Інфармацыя аб нерухомасці даступная ў мабільным дадатку «Мой кут»


Насамрэч “Мой кут” дазволіць карыстальнікам на працягу некалькіх секунд атрымаць інфармацыю пра такую ​​характарыстыку, як плошча аб'екта і яго прызначэнне. Першапачаткова пошук будзе ажыццяўляцца па інвентарным (кадастравым) нумары аб'екта нерухомасці. Запыт будзе апрацоўвацца ў рэжыме рэальнага часу. Усе звесткі будуць прадастаўляцца з цэнтральнага банка даных рэгістра нерухомасці.


Фота: domnedv.ru

Для карыстальнікаў, якія пройдуць дакладную рэгістрацыю (верыфікацыю), у дадатку будзе даступна магчымасць атрымання больш падрабязнай інфармацыі пра аб'ект нерухомасці ў выглядзе простага інфармацыйнага паведамлення. Актуальныя на момант адпраўкі запыту дадзеныя будуць падавацца на электронную пошту ў выглядзе файла з  электронна-лічбавым подпісам.

Інфармацыя пра характарыстыкі аб'екта, наяўнасці або адсутнасці абмежаванняў (абцяжаранняў) правоў на яе, прававы рэжым аб'екта будзе прадастаўляцца на платнай аснове.

Канцэпцыя мабільнага дадатку ўжо атрымала станоўчыя водгукі на XXIV Міжнародным спецыялізаваным форуме па тэлекамунікацыях, інфармацыйных і банкаўскіх тэхналогіях "ТИБО-2017”. Мабільны дадатак ствараўся з разлікам на самае шырокае кола карыстальнікаў. Акрамя фізічных асоб ён, напэўна, зацікавіць з пункту гледжання яго прафесійнага выкарыстання адвакатаў, антыкрызісных кіраўнікоў, удзельнікаў рынку нерухомасці, работнікаў юрыдычных, бухгалтарскіх або эксплуатацыйных службаў, юрыдычных асоб, іншых удзельнікаў рынку нерухомасці або ўладальнікаў нерухомасці. У далейшым плануецца паступовае пашырэнне функцыянальных магчымасцяў мабільнага дадатку.

У мэтах паляпшэння якасці зямельнага адміністравання і абароны інтарэсаў суб'ектаў гаспадарання, з 1 чэрвеня 2016 года па цяперашні час, сабраны, прааналізаваны і размешчаны на афіцыйным сайце Нацыянальнага кадастравага агенцтва статыстычныя дадзеныя пра колькасць зямельных спрэчак, разгледжаных судамі першай інстанцыі ў 2016 годзе, а таксама пра колькасць здзелак куплі-продажу ў дачыненні аб'ектаў нерухомай маёмасці, зарэгістраваных ў 2016 годзе.

Мабільны дадатак, прызначаны для аўтаматызацыі прадастаўлення паслуг спажыўцам і забеспячэння аператыўнага ўзаемадзеяння з сістэмай арганізацый па рэгістрацыі пры атрыманні паслуг, распрацавана Нацыянальным кадастравым агенцтвам Дзяржаўнага камітэта па маёмасці Беларусі і ўжо даступна для спампоўвання на пляцоўцы Google Play.

Сяр­гей КУР­КАЧ

kurkасh@zvіаzdа.bу

Выбар рэдакцыі

Грамадства

У вясковай школе арганізавалі музей у гонар загінуўшых байцоў Вялікай Айчынай вайны

У вясковай школе арганізавалі музей у гонар загінуўшых байцоў Вялікай Айчынай вайны

Байцы 174-га стралковага палка загінулі пры вызваленні вёскі Шылін.

Палітыка

Крызіс на мяжы. Уся аператыўная інфармацыя на чацвер

Крызіс на мяжы. Уся аператыўная інфармацыя на чацвер

Аператыўная інфармацыя з беларуска-польскай мяжы.

Грамадства

Вольга Шпілеўская: Журналістыка — гэта маё жыццё!

Вольга Шпілеўская: Журналістыка — гэта маё жыццё!

Журналіст ўзначаліла прадстаўніцтва Міжнароднай тэлерадыёкампаніі «Мір» у нашай краіне.