20 сакавіка сацыякультурны канал прадставіць прэм'еру дакументальнага цыкла «Хатынь. Вайна без правілаў». У яго ўвайшлі чатыры серыі: «Падставы для маўчання», «Каты і ахвяры», «Мемарыял» і «Вогненныя пабрацімы Хатыні».
Аўтары праекта раскажуць пра гісторыю стварэння Хатынскага мемарыяла, прасочаць лёсы тых людзей, якія цудам выратаваліся ад гібелі, а таксама нагадаюць пра іншыя беларускія вёскі, зніклыя ў вогненнай прорве Вялікай Айчыннай. Разам з творчай групай пра важнасць захавання памяці для нашчадкаў паразважаюць гісторыкі і архівісты, філосафы, псіхолагі і сацыёлагі. У прыватнасці, падтрымку праекту аказалі загадчык аддзела ваеннай гісторыі Інстытута гісторыі НАН Беларусі Аляксей Літвін, вядучы навуковы супрацоўнік Нацыянальнага архіва Беларусі, укладальнік зборнікаў дакументаў «Хатынь. Трагедыя і памяць» Вячаслаў Селяменеў, дырэктар Дзяржаўнага мемарыяльнага комплексу «Хатынь» Артур Зельскі і іншыя.
Вікторыя ЦЕЛЯШУК
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
