Вы тут

Жыхар Фаніпаля збірае сома з дэталяў аўтамабіляў


Пра незвычайныя арт-аб'екты, зробленыя жыхаром Фаніпаля Уладзімірам Канонікам, «Звязда» неаднойчы расказвала. Напрыклад, пра тое, як на мінскай АЗС з'явіўся скульптурна-інтэрактыўны персанаж у выглядзе матацыкла-пантэры, на якога можна лёгка ўзабрацца, зручна пасядзець, памацаць педалі, ручкі, прыборы, зрабіць фота вузлоў і механізмаў мотаагрэгата.


Калі ў пачатку сёлетняй вясны ў сталіцы адкрываўся байкерскі сезон, на галоўнай пляцоўцы свята Уладзімір Канонік выставіў свой чарговы арт-аб'ект пад назвай «Веламотацмок», якога ён таксама сканструяваў з дапамогай непатрэбных, зношаных, зламаных, выкінутых на сметніцу аўтадэталяў.

Наогул, многія скульптурныя кампазіцыі Уладзіміра Каноніка, створаныя з адходаў тэхрамонту, сталі часткай дызайнерскага афармлення тэрыторыі новых аўтазаправак Мінскай вобласці. Вось і цяпер мастак працуе: збірае з дэталяў легкавых і грузавых машын чарговы арт-аб'ект — вялікую па памеры і вазе рыбу, а менавіта — сома. Даведаўшыся пра новы праект, я паспяшаўся ў творчую майстэрню дэкаратыўных вырабаў. Там разам з сынам Арцёмам, прафесійным скульптарам Стасам Шашковым і электразваршчыкам Дзмітрыем Пякарскім (усе яны ёсць на здымках) аўтар праекта прымацоўваў апошнія дэталі, быццам наносіў апошнія штрыхі на гатовы твор.

— Сом — галоўная фігура кампазіцыі «Рыбачок», якая хутка з'явіцца на новай АЗС у курортным пасёлку Нарач Мядзельскага раёна, — кажа Уладзімір Канонік. — Побач будзе яшчэ вялікая вуда, і кожны, хто возьмецца за яе, стане падобны на шчасліўчыка, які злавіў гэтую рыбіну. Вось у чым сэнс інтэрактыўнай кампазіцыі.

А яшчэ аўтар паведаміў, што на стварэнне пяціметровага нарачанскага сома пайшоў цэлы месяц і амаль тысяча аўтазапчастак, а вага рыбы не меншая за паўтары тоны.

Анатоль КЛЯШЧУК

Фота аўтара

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.