Вы тут

У графік вясновай сесіі Палаты прадстаўнікоў уключаны 32 праекты нарматыўна-прававых актаў


Новыя законы, міжнароднае супрацоўніцтва і рабочая група па адмене смяротнага пакарання

На пасяджэнні Савета Палаты прадстаўнікоў зацвердзілі графік падрыхтоўкі пытанняў для разгляду на другой сесіі (адкрыецца 2 красавіка), вызначыліся з удзелам у міжнародных парламенцкіх арганізацыях і сфарміравалі рабочую групу па вывучэнні пытання аб адмене смяротнага пакарання.


Фота БЕЛТА

Увядзенне ў лічбавізацыю

Па словах віцэ-спікера Палаты прадстаўнікоў Валерыя Міцкевіча, у графік вясновай сесіі ўключаны 32 праекты нарматыўна-прававых актаў. 12 з іх дэпутаты разгледзяць у першым чытанні, 14 — у другім. Чакаецца ратыфікацыя шасці міжнародных пагадненняў.

Законапраект аб ахове здароўя будзе рэгламентаваць лічбавізацыю: магчымасць выдачы электронных рэцэптаў, наяўнасць асабістага кабінета, фарміраванне базы даных аб пацыентах у адным месцы. Гэты законапраект комплексна рэгулюе ўсё, што датычыцца аховы здароўя. У новай рэдакцыі нарматыўна-прававога акта з'явіцца цэлая глава, якая прадугледжвае стварэнне камітэта па біяэтыцы. Таксама законапраект уводзіць паняцце «экспертыза якасці медыцынскай дапамогі». Яе плануецца праводзіць пры смяротных выпадках, выпадках унутрыбальнічных інфекцый, а таксама пры паступленні скаргаў ад пацыентаў і іх сваякоў.

— Працягваецца і ўдасканаленне працэсуальнай, крымінальнай і судовай дзейнасці, — расказаў Валерый Міцкевіч. — Вялікі блок пытанняў датычыцца нацыянальнай бяспекі. Упершыню на заканадаўчым узроўні трэба комплексна ўрэгуляваць падыходы да абароны персанальных даных. Гэты дакумент будзе разгледжаны ў другім чытанні. На абарону правоў спажыўцоў накіраваны змены, што прыбіраюць састарэлыя нормы ў сферы рэкламы. Неабходна завяршыць работу над папраўкамі ў Закон аб валютным рэгуляванні і валютным кантролі. Важнымі з'яўляюцца прававыя навацыі ў галіне зямельных адносін і сельскай гаспадаркі.

Таксама на сесіі будуць разгледжаны законапраекты, якія датычацца лічбавізацыі судоў.

Развіццё парламенцкай дыпламатыі

Дэпутацкі корпус працягне актыўнае ўзаемадзеянне на ўзроўні рабочых груп па супрацоўніцтве з парламентамі замежных дзяржаў. Чакаюцца афіцыйныя візіты ў Беларусь кіраўнікоў парламентаў Латвіі, Малдовы, Пакістана, Швейцарыі і Германіі. Вясной у Беларусі запланавана правядзенне 13-га пасяджэння Міжпарламенцкай камісіі па супрацоўніцтве Нацыянальных сходаў Беларусі і Арменіі.

— Існуе шэраг міжнародных арганізацый, з якімі мы нацэлены на ўстанаўленне і развіццё канструктыўных адносін, — паведаміў старшыня Пастаяннай камісіі Палаты прадстаўнікоў па міжнародных справах Андрэй САВІНЫХ. — Гэта ПАСЕ, Парламенцкая канферэнцыя Балтыйскага мора, Паўночны савет. Асаблівая ўвага будзе звернута на падрыхтоўку пытанняў, звязаных з удзелам кіраўніцтва Палаты прадстаўнікоў Беларусі ў V Сусветнай канферэнцыі спікераў, якая павінна адбыцца 19—21 жніўня ў Вене пад эгідай Міжпарламенцкага саюза.

Такое мерапрыемства праводзіцца раз у пяць гадоў. Таксама пройдзе нарада спікераў краін Еўразіі і Інданезіі.

Дыялог на неадназначную тэму

На пасяджэнні Савета Палаты прадстаўнікоў было прынята рашэнне аб стварэнні ў Нацыянальным сходзе рабочай групы па вывучэнні пытання аб адмене смяротнага пакарання.
Групу ўзначаліць старшыня Пастаяннай камісіі па правах чалавека, нацыянальных адносінах і сродках масавай інфармацыі Генадзь Давыдзька.

— У Нацыянальным сходзе чацвёртага, пятага і шостага скліканняў функцыянавала рабочая група па вывучэнні праблематыкі смяротнага пакарання як інструмента пакарання, які ўжываецца ў Беларусі, — адзначыў на пасяджэнні Генадзь Давыдзька. — МЗС станоўча ацэньвае вынікі яе работы і мяркуе, што гэтая дзейнасць дазваляла падтрымліваць экспертны дыялог з замежнымі партнёрамі па такой адчувальнай для беларускага боку тэматыцы.

Наталля ТАЛІВІНСКАЯ

Выбар рэдакцыі

Грамадства

«Дзякуй участковаму — ён нас добра беражэ». Як міліцыя праводзіць прафілактычны рэйд падчас сітуацыі з каранавірусам

«Дзякуй участковаму — ён нас добра беражэ». Як міліцыя праводзіць прафілактычны рэйд падчас сітуацыі з каранавірусам

«Без мiлiцыi мы нiяк», — рэзюмаваў Прэзiдэнт Беларусi Аляксандр Лукашэнка падчас сустрэчы з мiнiстрам унутраных спраў Юрыем Караевым, маючы на ўвазе сiтуацыю з каранавiрусам. 

Грамадства

Чым сябе заняць на самаiзаляцыi?

Чым сябе заняць на самаiзаляцыi?

Урачы па ўсiм свеце запусцiлi флэшмоб #StayAtHome.

Грамадства

Хто паставiць кропку ў спрэчцы вакол пакупкі за адну базавую?

Хто паставiць кропку ў спрэчцы вакол пакупкі за адну базавую?

Ранейшы ўласнiк цяпер звярнуўся ў суд i патрабуе вярнуць будынак.

Культура

Віктар Капыцько: У нашых прыдворных тэатрах ставіліся оперы, напісаныя тут, а не дзе-небудзь у Італіі

Віктар Капыцько: У нашых прыдворных тэатрах ставіліся оперы, напісаныя тут, а не дзе-небудзь у Італіі

Віктар з'яўляецца аўтарам опер, сімфоній і кантат, яго музыка гучыць у розных кутках свету, а ў Беларусі з ім працуюць найлепшыя выканаўцы.