Вы тут

Актыўнасць у «паважаным» узросце — толькі на карысць


«Мама заўсёды вылучалася тым, што ёй падабаліся мужчыны. У маладосці ў яе было шмат раманаў. Але з узростам гэта не спынілася. Цяпер ёй 75 гадоў, яна даўно жыве адна. І дагэтуль перыядычна ў яе з'яўляюцца кавалеры. Яна вельмі актыўная, пастаянна ўдзельнічае ў мерапрыемствах для пажылых людзей, танцавальных вечарах «Для тых, каму за...», дзе і знаёміцца. У тым, што з яе фізічным здароўем усё ў парадку, сумненняў няма. А вось з псіхічным? Ці нармальная такая актыўнасць у такім паважаным узросце?»

Марыя, г. Мінск


Адказвае ўрач-сексолаг Мінскага гарадскога клінічнага псіхіятрычнага дыспансера Вольга Неўдах.

— Палавая актыўнасць у такім узросце пры адсутнасці іншай паталогіі (фізічнай ці псіхічнай) абсалютна нармальная з'ява. Іншая справа, што зусім не частая. Палавая актыўнасць залежыць ад нашай палавой канстытуцыі. А гэта сукупнасць біялагічных прыкмет, іншымі словамі, тое, што даецца нам ад нараджэння, як, напрыклад, колер вачэй, і на працягу жыцця застаецца нязменным.

Ёсць тры тыпы палавой канстытуцыі: слабая, сярэдняя і моцная. У залежнасці ад палавой канстытуцыі сексуальная актыўнасць таксама будзе рознай.

Для ацэнкі палавой канстытуцыі выкарыстоўваюць шкалу вектарнага вызначэння. Для мужчын яна распрацавана і апрабавана неўрапатолагам, адным з заснавальнікаў савецкай сексалогіі і сексапаталогіі Георгіем Васільчанкам, для жанчын — Ірынай Ботневай.

Па гэтай методыцы ў жанчын вызначаюць наступныя паказчыкі: менструальная функцыя (яе пачатак, а таксама характар — рэгулярная без паталогій ці з асаблівасцямі), дзетародная функцыя (тэрміны наступлення цяжарнасці і характар яе цячэння), трахантэрны індэкс (суадносіны росту і даўжыні нагі), характар аваласення (па мужчынскім ці жаночым тыпе), прабуджэнне эратычнага лібіда (у якім узросце), аргазм. Атрыманыя паказчыкі параўноўваюць з сярэднімі значэннямі нормы. Яны, дарэчы, дазваляюць меркаваць не толькі аб палавой канстытуцыі, але і аб характары яе парушэнняў.

Мяркуючы па звестках, што ёсць у пісьме, можна канстатаваць, што вашай маме пашчасціла, бо яе прыродныя
даныя дазваляюць весці актыўнае паўнацэннае жыццё ў сталым узросце.

Алена КРАВЕЦ

Фота: sanruzh.by

Выбар рэдакцыі

Грамадства

Сёння пачаў работу УНС у новым статусе

Сёння пачаў работу УНС у новым статусе

Амаль тысяча дзвесце чалавек сабраліся, каб вырашаць найважнейшыя пытанні развіцця краіны. 

Навука

Наколькі эфектыўна працуе сістэма інтэлектуальнай уласнасці?

Наколькі эфектыўна працуе сістэма інтэлектуальнай уласнасці?

Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.

Здароўе

У Нацыянальны каляндар плануюць уключыць новыя прышчэпкі

У Нацыянальны каляндар плануюць уключыць новыя прышчэпкі

Як вакцыны выратоўваюць жыцці і чаго можа каштаваць іх ігнараванне?

Грамадства

Курс маладога байца для дэпутата

Курс маладога байца для дэпутата

Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.