Вы тут

У жыхара Пiнска назбiралася 14 кiлаграмаў адказаў датычна заблытанага зямельнага пытання


Старшыня Пастаяннай камiсii Савета Рэспублiкi па заканадаўстве i дзяржаўным будаўнiцтве Сяргей Сiвец правёў прамую тэлефонную лiнiю, адказаў на злабадзённыя пытаннi i выказаў шэраг слушных парад.


Званкi былi на розныя тэмы, але пераважна тычылiся праблем i пытанняў, якiя чамусьцi не вырашаюцца прадстаўнiкамi органаў мясцовай улады ў рэгiёнах. Так, у жыхара Пiнска не атрымоўваецца знайсцi агульную мову па заблытаным зямельным пытаннi нi з райвыканкамам, нi з абласнымi i рэспублiканскiмi ўстановамi i арганiзацыямi, куды ён звяртаецца. Паводле яго слоў, ужо назбiралася 14 кiлаграмаў адпiсак, а станоўчых зрухаў няма. З гэтай нагоды ён рашуча i эмацыянальна патрабуе разабрацца з выездам на месца ў Пiнск.

Зразумела, эмоцыi — не самы лепшы аргумент пры разглядзе спрэчных юрыдычных пытанняў, асаблiва зямельных, якiя традыцыйна з'яўляюцца няпростымi ў вырашэннi. Таму Сяргей Сiвец прапаноўвае мужчыну адказаць на ўдакладняючыя пытаннi, каб потым даць абгрунтаваны адказ.

Месяц таму падчас прамой тэлефоннай лiнii адна жанчына з Салiгорска паскардзiлася Сяргею Сiўцу на тое, што ў горадзе зацягваецца ўзвядзенне жылля для шматдзетных сем'яў. Тады сенатар дэталёва вывучыў пытанне, у адпаведныя тэрмiны праiнфармаў мацi пра захады i меры, якiя прымаюцца. I вось — зноў аналагiчны званок з Салiгорска: чаму там не спяшаюцца будаваць кватэры для шматдзетных? Цяпер старшыня Пастаяннай камiсii адразу назваў галоўную прычыну пераносу ўводу ў эксплуатацыю жылога дома: яго праектна-каштарысная дакументацыя не была своечасова падрыхтавана. Цяпер гэтая хiба выпраўлена, i жыллё будзе гатова для засялення ў першым квартале наступнага года. Прычым у эксплуатацыю адразу здадуць два дамы з кватэрамi для шматдзетных сем'яў.

Па кватэрным пытаннi патэлефанавала i жанчына з Гомельскага раёна. У яе дачкi дзiця — iнвалiд. Адсюль i пытанне: цi мае права дачка стаць на льготную чаргу для атрымання жылля ў доме, якi пачалi ўзводзiць у iх пасёлку? Сяргей Сiвец папрасiў жанчыну даслаць копii ўсiх дакументаў, якiя ёсць у сям'i па гэтым пытаннi, каб высветлiць рэальныя правы дачкi на атрыманне кватэры, бо з адной тэлефоннай размовы складана скласцi аб'ектыўнае ўражанне па гэтай сiтуацыi.

Старшыня Пастаяннай камiсii, каментуючы журналiстам вынiкi прамой тэлефоннай лiнii, адзначыў, што ўсе пытаннi, з якiмi грамадзяне звяртаюцца ў Савет Рэспублiкi па тэлефоне цi ў пiсьмовай, электроннай форме, бяруцца на кантроль. Выкананне гэтых зваротаў строга адсочваецца. Напрыклад, уважлiва манiторыцца сiтуацыя ў Салiгорску з тэрмiнамi будаўнiцтва жылля для шматдзетных сем'яў.

Падчас прамой тэлефоннай лiнii, адзначыў сенатар, прадстаўнiкi ўлады iмкнуцца даць поўны адказ грамадзянiну, калi гэта магчыма, а таксама пракансультаваць, растлумачыць асаблiвасцi выкарыстання таго цi iншага закона, параiць, як дзейнiчаць выключна ў прававым полi для абароны сваiх правоў i iнтарэсаў. А гэта — часцей за ўсё званкi па жыллёвых i зямельных пытаннях, маёмасныя спрэчкi з iншымi спадчыннiкамi i жыццёвыя праблемы. Усе яны павiнны вырашацца толькi па законе, падкрэслiвае сенатар.

Леанiд Тугарын

Прэв’ю: novocom.org

Загаловак у газеце: Усе звароты бяруцца на кантроль

Выбар рэдакцыі

Калейдаскоп

Хутка выпускны! Што выбраць, каб выглядаць годна на галоўным школьным свяце?

Хутка выпускны! Што выбраць, каб выглядаць годна на галоўным школьным свяце?

Пачнём, зразумела, з дзяўчынак, бо менавіта іх мамы ўжо цяпер ламаюць галаву над выпускным уборам дачок.

Грамадства

Дружалюбнасць да сем'яў і моладзі — важны крытэрый сацыяльна арыентаванай дзяржавы. Круглы стол

Дружалюбнасць да сем'яў і моладзі — важны крытэрый сацыяльна арыентаванай дзяржавы. Круглы стол

Нацыянальным брэндам Беларусі па праве лічыцца сацыяльная падтрымка сем'яў дзяржавай, і таму напярэдадні Міжнароднага дня сям'і прадстаўнік