Вы тут

Зноў пацяплее, але ненадоўга


На наступным тыднi ў сераду стане халадней.

Але пакуль — досыць цёплае надвор'е ў асноўным без ападкаў чакаецца ў нас у гэтыя выхадныя, паведамляюць спецыялiсты Рэспублiканскага цэнтра па гiдраметэаралогii, кантролi радыеактыўнага забруджвання i манiторынгу навакольнага асяроддзя Мiнпрыроды.


Ужо сёння яно пачне змяняцца. Чакаецца пераменная воблачнасць. Удзень у асобных раёнах Гомельскай вобласцi пройдуць кароткачасовыя дажджы i навальнiцы. А вось у выхадныя тэрыторыя краiны ў асноўным будзе знаходзiцца ў вобласцi павышанага атмасфернага цiску. Толькi ў паўднёва-заходнiх раёнах, а ўдзень 19 лiпеня i па крайнiм паўночным усходзе краiны адаб'ецца ўплыў няўстойлiвых паветраных мас.

У суботу таксама чакаецца пераменная воблачнасць. Будзе пераважна без ападкаў, толькi ў асобных раёнах па паўднёвым захадзе краiны пройдуць кароткачасовыя дажджы, магчымыя навальнiцы. Уначы i ранiцай чакаецца слабы туман. Вецер прагназуецца ўсходнi ўмераны, пры навальнiцах парывiсты. Тэмпература паветра ўначы складзе ад плюс 7 да плюс 14 градусаў, па паўднёвым захадзе — да 16 цяпла. Удзень будуць камфортныя 22—28 цяпла.

I ў нядзелю чакаецца пераменная воблачнасць, будзе пераважна без ападкаў, толькi ўдзень у асобных раёнах Брэсцкай i Вiцебскай абласцей пройдуць кароткачасовыя дажджы, магчымыя навальнiцы. Хутчэй за ўсё, ранiцай чакаецца слабы туман. Вецер прагназуецца ўсходнi ўмераны, пры навальнiцах парывiсты. Тэмпература паветра ўначы складзе ад плюс 8 да плюс 14 градусаў, па паўднёвым захадзе — да 16 цяпла. У гэты дзень павялiчыцца дзённая тэмпература — будзе 23—29 градусаў са знакам плюс.

Паводле папярэднiх прагнозаў айчынных сiноптыкаў, у пачатку наступнага тыдня надвор'е ў краiне абумовiць няўстойлiвая цёплая паветраная маса паўднёвых шырот. У панядзелак чакаецца пераменная воблачнасць. Месцамi па краiне пройдуць кароткачасовыя дажджы, удзень у асобных раёнах навальнiцы. Тэмпература паветра ўначы складзе ад плюс 11 да 17 градусаў цяпла, удзень будзе ўсё так жа горача — плюс 23—29 градусаў. У аўторак цёплае надвор'е захаваецца, а ў сераду пахаладае.

Сяргей ПАЛІНІН

Прэв’ю: udf.by

Выбар рэдакцыі

Грамадства

Арктычнае ўварванне на змену цёпламу паветру. Калі чакаць першы снег? Прагноз ад Дзмітрыя Рабава

Арктычнае ўварванне на змену цёпламу паветру. Калі чакаць першы снег? Прагноз ад Дзмітрыя Рабава

З чым звязана такая восеньская зменлівасць надвор’я і калі чакаць першы снег.

Грамадства

Усходні гараскоп на наступны тыдзень

Усходні гараскоп на наступны тыдзень

КАЗЯРОГ. Буйныя крэдыты зараз лепш не браць. Паспрабуйце прывесці думкі і пачуцці ў парадак. І перастаньце гібець, зазірніце ў сябе, ураўнаважце эмацыянальны стан. Зараз самы час для наладжвання згубленых сувязяў, якія спатрэбяцца ў найбліжэйшай будучыні. Не забывайце пра родных і блізкіх.

Спорт

Сяргей Кавальчук: У спорце вышэйшых дасягненняў адна мэта — быць лепшымі

Сяргей Кавальчук: У спорце вышэйшых дасягненняў адна мэта — быць лепшымі

Міністр спорту і турызму пра жыццё беларускага спорту. Шчыра і аб’ектыўна.