Вы тут

У Пінску рыхтуецца да адкрыцця пёсакафэ


У Пінску рыхтуецца да адкрыцця забаўляльна-асветніцкі цэнтр «Пёсакафэ DogHut», паведаміла кіраўнік праекта Таццяна Шуман, піша БелТА.


Фота мае ілюстрацыйны характар. kudago.com

Праект рэалізуе гарадская дабрачынная ўстанова па абароне жывёл «Адданасць сябру». Ініцыятыву падтрымалі на конкурсе сацыяльных ідэй Social Weekend, на яе рэалізацыю было выдзелена Br4 тыс. Цяпер праект знаходзіцца ў завяршальнай стадыі. Пёсакафэ размесціцца ў будынку па вул. Кулікова, 3/3, дзе да нядаўняга часу размяшчалася крама. У памяшканні ўжо завершаны рамонт і аздобныя працы, ідзе яго афармленне і абсталяванне неабходнай мэбляй.

«Галоўная мэта праекта — дапамагчы бяздомным жывёлам. У нас заключаны дагавор аб сумеснай дзейнасці з Пінскім ЖКГ і ветстанцыяй. Установа ўзяла на сябе выдаткі па вакцынацыі, стэрылізацыі, лячэнню адлоўленых жывёл, пошуку дома для іх. Калі мы пачыналі, у вальерах змяшчалася 40 бяздомных сабак, цяпер іх ужо больш за 200. Так з’явілася ідэя пёсакафэ. У прынцыпе, гэта антыкафэ. У асноўным яно будзе арыентавана на асветніцкую дзейнасць і ўладкаванне жывёл. Там будзе дзве сцяны з іх фотаздымкамі — #шукаю дом і #ўжо дома. Пакуль мы размясцілі 130 здымкаў», — патлумачыла Таццяна Шуман.

Сярод іншага ў кафэ будуць устаноўлены два аўтамата з напоямі і прысмакамі. Наведвальнікі змогуць пагутарыць з дагледжанымі сабакамі. «Гэта будзе яшчэ і каворкінг — прастора для зносін па інтарэсах прадстаўнікоў розных грамадскіх арганізацый, напрыклад мастакоў або рамеснікаў. Іх працы будуць выстаўлены ў песокафе на «Кірмашы дабра», прыбытак ад якой цалкам пойдзе на лячэнне і стэрылізацыю бяздомных жывёл — адзіны гуманны спосаб для зніжэння іх колькасці», — дапоўніла кіраўнік праекта.

Чакаецца, што адкрыццё першага ў Брэсцкай вобласці пёсакафэ адбудзецца да канца месяца.

Выбар рэдакцыі

Грамадства

«Да штыка ён пяро прыраўняў». Узгадваем ваеннага карэспандэнта Канстанціна Сіманава

«Да штыка ён пяро прыраўняў». Узгадваем ваеннага карэспандэнта Канстанціна Сіманава

28 лістапада 2020 года спаўняецца 105 гадоў з дня нараджэння вядомага рускага пісьменніка, ваеннага карэспандэнта і журналіста Канстанціна Сіманава. 

Грамадства

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

І аднавяскоўцаў людзей, якія ў час вайны ратавалі сям'ю яе бабулі, жонкі афіцэра Чырвонай Арміі.

Спорт

«Вікторыя», якая робіць з Гродна баскетбольную сталіцу

«Вікторыя», якая робіць з Гродна баскетбольную сталіцу

Гродна — горад з багатай не толькі культурнай, але і баскетбольнай гісторыяй. 

Грамадства

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

Такога кшталту справа ў судзе Кастрычнiцкага раёна Гродна разглядаецца ўпершыню.