Вы тут

У войску адзначаюць лепшых салдат


Гэтымі днямі з Узброеных Сіл звальняюцца ў запас салдаты, якія прайшлі праз тэрміновую службу. Лепшыя з іх раней запрашаліся ў калонную залу Цэнтральнага дома афіцэраў, дзе ва ўрачыстай абстаноўцы кіраўніцтва Міністэрства абароны ўручала ім падзячныя лісты і каштоўныя падарункі. Каранавірус, аднак, унёс свае карэктывы і сюды. Праз неспрыяльную эпідэміялагічную абстаноўку масавыя мерапрыемствы давялося адмяніць. І выйсце было знойдзена.


- Сёлета было прынята рашэнне «дэцэнтралізаваць» гэтае мерапрыемства. Гэта значыць, што мы прыходзім на працоўныя месцы аднаго з бацькоў або туды, дзе працавалі юнакі да таго часу, пакуль іх не прызвалі ў армію, — расказаў намеснік камандзіра батальёна сувязі і радыётэхнічнага забеспячэння па ідэалагічнай працы 50-й змяшанай авіябазы Вячаслаў Вятошкін.

Так адбылося і з радавым Антонам Васюкевічам. Ён быў прызваны ў Мачулішчы, што пад Мінскам, у лістападзе мінулага года. Атрымаў вайсковую спецыяльнасць кіроўцы-электрыка. Вячаслаў Вятошкін зазначае, што хлопец служыў добрасумленна, неаднаразова заахвочваўся камандаваннем часці за высокія вынікі ў баявой падрыхтоўцы. Удзельнічаў і ў яе грамадскім жыцці.

Прадстаўнікі авіябазы падзякавалі бацькам за выхаванне сына.

Антон скончыў БДПУ. Ведае кітайскую мову. 

-За гэты час, праведзены ў войску, я пераацаніў каштоўнасць часу, узаемаадносін. Па-іншаму пачаў разумець сэнс слоў «таварыш», «сяброўства».

Як адзначыў бацька салдата Антон Васюкевіч-старэйшы, калісьці ён таксама атрымаў гадзіннік ад міністра абароны. Чым не сямейная традыцыя?

— Самыя хвалявальныя хвіліны былі ў нас, калі сына адпраўлялі ў войска, — згадвае суразмоўца. — Але калі мы пабачылі яго падчас прыняцця прысягі ў форме, са зброяй, як ён ішоў страявым крокам даваць клятву на адданасць Радзіме, то тут сэрца стала стукаць спакайней. Мы зразумелі, што ен пераадолеў псіхалагічны бар’ер і стаў членам адной вялікай вайсковай сям’і.

Валяр’ян ШКЛЕННІК

Фота аўтара

Выбар рэдакцыі

Здароўе

Чаму беларусы не спяшаюцца прышчапляцца?

Чаму беларусы не спяшаюцца прышчапляцца?

Праз які час праводзіць рэвакцынацыю ад COVІD-19 і ці патрэбна яна ўвогуле?

Грамадства

Як абараніцца ад махляроў у сферы сучасных тэхналогій

Як абараніцца ад махляроў у сферы сучасных тэхналогій

Фішынг, вішынг — два кіты кіберзлачыннасці

Грамадства

Арктычнае ўварванне на змену цёпламу паветру. Калі чакаць першы снег? Прагноз ад Дзмітрыя Рабава

Арктычнае ўварванне на змену цёпламу паветру. Калі чакаць першы снег? Прагноз ад Дзмітрыя Рабава

З чым звязана такая восеньская зменлівасць надвор’я і калі чакаць першы снег.