Вы тут

Аэраграфіст і яго горад


Жыхар старажытнай Смаргоні Іван Піліпчык неабыякавы да гісторыі і культуры свайго горада і раёна. Ён выяўляе пачуцці надзвычай красамоўна — малюе на сценах грамадскіх будынкаў (цяпер гэты мастацкі працэс называюць муралам) старажытныя гравюры і выявы помнікаў абарончага дойлідства.


Вось адна з такіх работ — «Крэўскі замак». Таксама ўпрыгожвае мастак і інтэр'еры дзіцячых устаноў. Роспісы і лаканічны стыль рукі Івана лёгка пазнаюцца. Месцічы ведаюць, што ён выкарыстоўвае адмысловы «пэндзаль» — аэрограф і кампрэсар, бо неаднойчы бачылі Піліпчыка за работай. На сцяне смаргонскага Палаца шлюбу графік напісаў слова «Каханне» на розных мовах свету, і гэты малюнак стаў своеасаблівым слоўнікам аднаго слова, якое сімвалізуе глыбокія пачуцці. Смаргонцы любяць і гэты «каліграфічны» аб'ект, і іншыя творы, напрыклад, белага каня і чорнага ката на фасадах крамаў, гравюру «Беларускія скамарохі» на сцяне музея. Наогул, без гэтых графіці ўжо немагчыма ўявіць Смаргонь. Іван прызнаецца, што найбольшае эстэтычнае задавальненне яму дае копія гравюры «Старая кірмашовая плошча ў Смаргоні», якая змясцілася на будынку вузла сувязі на 65 квадратных метрах. У думках і марах апантанага мастака выспяваюць новыя праекты, а гэта азначае, што горад стане яшчэ цікавейшы і прыгажэйшы.

Анатоль КЛЯШЧУК

Фота аўтара

Выбар рэдакцыі

Грамадства

На адным дыханні. Што адбываецца ў пульманалагічным аддзяленні, дзе лечаць хворых на COVІD-19

На адным дыханні. Што адбываецца ў пульманалагічным аддзяленні, дзе лечаць хворых на COVІD-19

Пятая клінічная бальніца застаецца адной з медустаноў Мінска, куды шпіталізуюць хворых на COVІD-19. 

Грамадства

Ежа па-іншаму: што б такога з'есці, калі сам не ведаеш, чаго хочаш?

Ежа па-іншаму: што б такога з'есці, калі сам не ведаеш, чаго хочаш?

Чым можна падсілкавацца, і навошта гэта ядуць.

Калейдаскоп

«Ураджайны» тэст

«Ураджайны» тэст

Надыходзіць жнівень — самы ўраджайны, працоўны, смачны час. І наш чарговы тэст менавіта пра ўраджай і ўсё, што з ім звязана.