Вы тут

Цяпла няма, а ў батарэях — будзе


Такое становішча ў жыллі краіны працягнецца, бо пакуль яшчэ не зафіксавалі пяці дзён з сярэднясутачнай тэмпературай звонку вышэй за 8 градусаў. Менавіта гэты паказчык можа стаць стымулам для пачатку адключэння ацяплення. Між іншым у сталічных адміністрацыйных будынках і на прадпрыемствах батарэі пачалі халадзець ужо з мінулай пятніцы (16 красавіка). Летась ацяпленне ў такіх будынках цалкам у краіне адключылі да майскіх свят.


Мінулагодні ацяпляльны сезон у Беларусі доўжыўся больш за восем месяцаў (з верасня да мая) і быў самым працяглым за апошнія гады. Тады батарэі ў жыллі пачалі адключаць толькі ў маі, а ў сталічных бальніцах, дзіцячых садках і школах — увогуле ў апошні тыдзень вясны. Акрамя даволі халоднага надвор'я, такое рашэнне бачылася тады правільным у тым ліку і з прычыны прафілактыкі сезонных захворванняў падчас пандэміі.

Сёлетні сезон, які пачаўся ў кастрычніку, магчыма, таксама зацягнецца да мая, паколькі, нягледзячы на нядаўнюю дзённую амаль гарачыню, у краіне месцамі на выхадных яшчэ абяцаюць нават начныя прымаразкі. Тым не менш кіраўніцтва Брэсцкай вобласці, як паведамляе БелТА, ужо падрыхтавала ліст, згодна з якім кожны раён будзе прымаць рашэнне аб адключэнні ацяплення згодна з уласнымі меркаваннямі.

— Кіраўнікі іншых аблвыканкамаў краіны пачынаць завяршэнне ацяплення пакуль не плануюць, прынамсі нам (Мінжылкамгасу) такіх лістоў яшчэ не накіроўвалі, — заўважыў Генадзь АКСЦІЛОВІЧ, начальнік аддзела па рабоце са зваротамі грамадзян і СМІ Міністэрства ЖКГ. — Даты ўключэння і адключэння ацяплення залежаць толькі ад умоў надвор'я. Спрагназаваць пачатак і канец сезона іншым чынам немагчыма.

Нагадаем, што падобныя майскія халады здараліся і летась, і некаторыя адключаныя ад цяпла будынкі (дзіцячыя дашкольныя, лячэбна-прафілактычныя, медыцынскія ўстановы) прыйшлося вяртаць у рэжым прапальвання.

Ірына СІДАРОК

Прэв’ю: pixabay.com

Выбар рэдакцыі

Грамадства

Ігар Петрышэка: «ЦТ — спаборніцтва, і перамога ў ім павінна быць чэснай!»

Ігар Петрышэка: «ЦТ — спаборніцтва, і перамога ў ім павінна быць чэснай!»

Сацыяльнае дыстанцыраванне і напаўняльнасць да 50 чалавек — такія патрабаванні да аўдыторый ЦТ.

Культура

22 чэрвеня 1941 года раздзяліла жыццё беларусаў на «да» і «пасля»

22 чэрвеня 1941 года раздзяліла жыццё беларусаў на «да» і «пасля»

Яны яшчэ не ведалі, што наперадзе — доўгія тры гады жыцця пад акупацыяй. 

Грамадства

Ва ўсім вінаваты... заяц. Як не падхапіць інфекцыю на прыродзе і падчас сельгасработ

Ва ўсім вінаваты... заяц. Як не падхапіць інфекцыю на прыродзе і падчас сельгасработ

Выпадак захворвання тулярэміяй зарэгістраваны ў чэрвені.