Вы тут

Важныя дробязі жыцця


Што такое бісер і як ствараць з яго маляўнічыя палотны, ведае 53-гадовы жыхар вёскі Гольчычы Слуцкага раёна Алег Статкевіч. У яго прасторным доме на сценах красуюцца кветкі, іконы, зімовыя пейзажы, «сатканыя» з дапамогай маленечкіх рознакаляровых шкляных шарыкаў. Самае малое — пятнаццаць гадоў вясковец захапляецца бісерашыццём і дасягнуў у гэтай, можна сказаць, жаночай справе, добрых вынікаў. Яго як творцу запрашаюць на святы роднай вёскі, а яшчэ Алег Іванавіч — госць на святах і раённага маштабу — Дажынках. Яго бісерныя іконы засцерагаюць дамы і кватэры сяброў, сваякоў і родзічаў.


Падчас нашай сустрэчы майстар паказваў, як трэба падбіраць фарбы і спалучаць колеравую гаму, колькі бісеру ідзе на карціну і колькі цяпер каштуе гэты адмысловы штучны матэрыял. Як трэба рабіць станок-кросны і колькі радочкаў у дзень яму ўдаецца саткаць. І чаму марская тэматыка для мужчыны актуальная і цікавая. А цікавасць у тым, што вайсковую службу наш рукадзельнік тры гады праходзіў на Балтыйскім флоце на супрацьлодачным караблі: марская стыхія назаўсёды пасялілася ў яго творчай душы.

Анатоль Кляшчук, фота аўтара

Выбар рэдакцыі

Эканоміка

У сталіцы актыўна скупляюць кватэры. Ці надоўга гэта?

У сталіцы актыўна скупляюць кватэры. Ці надоўга гэта?

Пасля значнага вясновага «хапуна», на майскія святы рынак злёгку астыў.

Грамадства

«Як ты можаш такое казаць, мама?!» Спрачацца з пажылымі сваякамі трэба правільна

«Як ты можаш такое казаць, мама?!» Спрачацца з пажылымі сваякамі трэба правільна

Псіхіка пажылых людзей часцей за ўсё не здольная да «апгрэйду».