Вы тут

Колькасць электразарадных станцый у Беларусі ўжо налета перавысіць лік існуючых аўтазарадных станцый


Колькасць электразарадных станцый у Беларусі ўжо налета перавысіць лік існуючых аўтазарадных станцый, а да 2030-га ў краіне стане 500 тысяч электракараў, якім спатрэбіцца 4,5 млрд кВт·г у год. Пры гэтым доля мясцовых відаў паліва (МВП) у сістэме ЖКГ на працягу пяцігоддзя перавысіць 52 %. Пра прыярытэты ў галіне энергазберажэння Беларусі, мерапрыемствы, скіраваныя на ўстойлівае энергакарыстанне і рэсурсазберажэнне, новаўвядзенні праграмы энергазберажэння на 2021–2025 гг. і тэхналагічныя навінкі ў гэтай галіне расказалі эксперты.


pixabay.com

Гігакалорыі з МВП і АКЭ

У мінулай пяцігодцы пры задачы эканоміі 5 млн тон умоўнага паліва (т у.п.) паліўна-энергетычных рэсурсаў (ПЭР) краіна сэканоміла 5,2 млн т у. п. А пры заданні выкарыстання долі мясцовых паліўна-энергетычных рэсурсаў (МПЭР) у валавым спажыванні ПЭР на ўзроўні 16 % дасягнута 16,7 %. Аб'ём выкарыстання аднаўляльных крыніц энергіі (АКЭ) склаў 7,4 %. Пры гэтым энергаёмістасць валавога ўнутранага прадукту (ВУП) за пяцігодку знізілася на 1,2 %. Па гэтым паказчыку Беларусь апераджае Казахстан, Расію, Украіну, а таксама іншыя краіны СНД і Канаду, наблізілася да Швецыі і Фінляндыі. Усё гэта робіцца дзеля таго, каб наша прадукцыя была канкурэнтаздольнай на рынках, каб павышалася наша энергетычная незалежнасць, паведаміў Міхаіл МАЛАШАНКА, намеснік старшыні Дзяржстандарту — дырэктар Дэпартамента па энергаэфектыўнасці:

— Глабальныя і стратэгічныя задачы на пяцігодку застаюцца ранейшымі. Як мага менш імпартаваць вуглевадароднага паліва і, адпаведна, менш траціць на гэта валюты і як мага больш выкарыстоўваць МПЭР і АКЭ, каб забяспечваць людзей работай, заробкам і плаціць падаткі ўнутры краіны. Плануецца, што энергаёмістасць ВУП зменшыцца да ўзроўню 2020 года на 7 %, а доля МВП застанецца на існуючым узроўні. З улікам уводу ў эксплуатацыю БелАЭС, каб выкарыстанне МПЭР засталося на ранейшым узроўні, іх аб'ёмы неабходна павялічваць.

За пяцігоддзе, як мяркуецца, будзе ўведзена 89 энергакрыніц на біяпаліве агульнай цеплавой магутнасцю 491 МВт. А ўжо сёлета доля выкарыстання мясцовага паліва ў камунальнай гаспадарцы павялічыцца на 7-8 %. Гэта значыць, што кожная другая гігакалорыя ў ЖКГ будзе вырабляцца з выкарыстаннем біяпаліва, торфу і АКЭ.

Электрычнасць для вады, цяпла і ежы

Каб максімальна павялічыць рацыянальнае спажыванне электраэнергіі, у тым ліку і ў сістэме ЖКГ, будуць уводзіцца ў эксплуатацыю як электракатлы прамога награвання, так і энергакрыніцы ў малых і сярэдніх спажыўцоў з выкарыстаннем цеплавых і электрычных кампрэсійных цеплапомпаў. Гэта новы кірунак у плане выкарыстання тэхналогій, абсталявання і атрымання канечнага выніку, падкрэсліў Міхаіл Малашанка.

Цікавым кірункам лічаць спецыялісты ўкараненне энергаэфектыўных мерапрыемстваў у шматкватэрным жыллі (гэты сектар спажывае каля 30 % усёй цеплаэнергіі ў краіне). Каля 9-10 % жылля адпавядае патрабаванням і ўзроўню, якія прад'яўляюцца да сучаснага жылля ў плане спажывання цеплаэнергіі на адзін квадратны метр — 40—60 кВт·г. Аднак гэта ў сучасных будынках, дзе рэалізаваны сістэмы рэкуперацыі цяпла, асвятлення, вентыляцыі. Большасці ж айчынных дамоў патрэбна ад 100 кВт·г і больш на м2, а каля 26 % жылля — увогуле 161 кВт·г і больш. Менавіта ў гэтай частцы — вялізны рэзерв зніжэння выкарыстання аб'ёмаў прыроднага газу, упэўнены дырэктар дэпартамента:

— У новых раёнах забудовы, дзе адсутнічаюць цепламагістралі і энергакрыніцы, якія валодаюць рэзервам магутнасці, шматкватэрныя дамы будуць узводзіцца з укараненнем тэхналогій па выкарыстанні электраэнергіі для гарачага водазабеспячэння, ацяплення, гатавання ежы.

Не абыдуць увагай і АКЭ, паабяцаў спецыяліст. У Аршанскім раёне ўжо рэалізаваны шэраг праектаў, дзе ў міжацяпляльны перыяд у шматкватэрных дамах гарачае водазабеспячэнне ажыццяўляецца ад аднаўляльных крыніц.

Ірына СІДАРОК

Загаловак у газеце: Тэхналогіі для дома, машыны і чалавека

Выбар рэдакцыі

Грамадства

Водар лаванды вабіць на Веткаўшчыну

Водар лаванды вабіць на Веткаўшчыну

Як выглядае «беларускі Праванс», дакладна ведаюць жыхары глыбінкі Гомельскай вобласці.

Эканоміка

«Прадам утульную кватэру, а куплю яшчэ лепшую». А пра падаткі вы не забыліся?

«Прадам утульную кватэру, а куплю яшчэ лепшую». А пра падаткі вы не забыліся?

Адна мая добрая знаёмая вырашыла палепшыць свае жыллёвыя ўмовы — прадаць сваю двухпакаёвую кватэру і купіць трохпакаёвую.

Калейдаскоп

Усходні гараскоп на наступны тыдзень

Усходні гараскоп на наступны тыдзень

БЛІЗНЯТЫ. Калі ёсць цікавыя ідэі, то менавіта цяпер яны будуць запатрабаваныя і нарэшце ажыццёвяцца. Тыдзень прынясе знаёмствы з новымі людзьмі, спатканні, вандроўкі і шмат яркіх уражанняў. Асабістае жыццё рэзка зменіцца, прычым менавіта так, як вы марылі. Вы больш не будзеце самотныя, сітуацыя вырашыцца на вашу карысць.

Грамадства

Ці варта засцерагацца ад вяртання анамальнай спякоты? Дзмітрый Рабаў расказаў пра надвор’е на астатнюю частку лета

Ці варта засцерагацца ад вяртання анамальнай спякоты? Дзмітрый Рабаў расказаў пра надвор’е на астатнюю частку лета

«Верхавіна лета» прайшла, і ўжо мала хто памятае, што першая дэкада чэрвеня была халаднаватай і з замаразкамі.