Вы тут

Алег Цвікевіч: «За кожнай справай — лёс чалавека»


За плячыма ў намесніка начальніка следчага ўпраўлення — начальніка аддзела па расследаванні злачынстваў супраць інтарэсаў службы і парадку выканання воінскага абавязку ўпраўлення Следчага камітэта Рэспублікі Беларусь па Гродзенскай вобласці палкоўніка юстыцыі Алега ЦВІКЕВІЧА — дзясяткі расследаваных крымінальных спраў. За 21 год службы з якімі толькі злачынствамі ён ні сутыкаўся! Маладыя калегі сёння вучацца ў свайго старэйшага таварыша, звяртаюцца да яго па дапамогу. Алег Леанідавіч нікому не адмаўляе: вопытны следчы лічыць, што ў сучасным свеце вучыцца на ўласных памылках ужо не актуальна.


Расследаванне адной з найбольш гучных спраў у практыцы следчага доўжылася практычна год. Супрацоўнікі Галоўнага ўпраўлення па барацьбе з арганізаванай злачыннасцю і карупцыяй МУС, дзе ён у той час працаваў, выйшлі на злачынную групоўку, якая займалася крадзяжом транспартных сродкаў у Расіі і ўвозам іх у Беларусь. У Верцялішках, што каля Гродна, на аўтамабілях мянялі нумары кузава і перапрадавалі іх у іншыя краіны.

— Асоба, якая добра валодала нямецкай мовай, знаходзіла ў інтэрнэце поўнасцю ідэнтычны аўтамабіль і пад рознымі падставамі прасіла ўладальнікаў выслаць яму дакументы на транспартны сродак, — згадвае дэталі справы Алег Цвікевіч. — Жыхары Германіі, якія нават не падазравалі, што хтосьці ў Беларусі стварае двайнікі іх жа аўтамабіляў, адгукаліся на просьбы. Члены злачыннай групы выраблялі на заводзе ў Гродне спецыяльныя таблічкі з нумарам кузава, якія потым уварвалі ў крадзеныя аўтамабілі, а затым па падробных дакументах перанакіроўвалі транспартныя сродкі за мяжу. Такім чынам, выкрадзены аўтамабіль станавіўся легалізаваным і паспяхова прадаваўся замежным аўтааматарам.

Каб раскрыць гэтае злачынства, следчымі была праведзена каласальная работа. Толькі па гродзенскіх эпізодах у суд былі накіраваны справы на 12 чалавек. Віну падазраваных удалося даказаць. Усе яны былі асуджаны.

Сёння палкоўнік юстыцыі ўзначальвае аддзел, які ў асноўным расследуе справы, звязаныя са злоўжываннем службовымі асобамі сваімі паўнамоцтвамі. Следчыя ажыццяўляюць праверкі і па фактах самазабойства ва Узброеных Сілах.

— Складаней за ўсё ў нашай прафесіі прымаць рашэнне па крымінальнай справе: дастаткова ці не падстаў для прад'яўлення абвінавачвання, — гаворыць вопытны следчы. — Перад прыняццем такога важнага рашэння праводзіцца ацэнка ўсяга сабранага матэрыялу. За кожнай справай — лёс чалавека.

Вераніка КАНЮТА

Фота Марыі ТРУШЫНСКАЙ

Выбар рэдакцыі

Палітыка

Перакрылі кісларод. Чаму ва Украіне склалася патавая сітуацыя падчас пандэміі?

Перакрылі кісларод. Чаму ва Украіне склалася патавая сітуацыя падчас пандэміі?

Украіна выйшла на трэцяе месца ў свеце і першае ў Еўропе па смяротнасці ад COVІD-19.

Грамадства

Размовы на кухні. Альбо ткаць, альбо прасці, альбо песенкі спяваць

Размовы на кухні. Альбо ткаць, альбо прасці, альбо песенкі спяваць

Сёння гутарка прысвечана выбару прафесіі для хлопцаў і дзяўчат.

Грамадства

Як выбраць самыя дакладныя тэрмометр і танометр

Як выбраць самыя дакладныя тэрмометр і танометр

У апошнія гады з прычыны пандэміі многія медыцынскія тэрміны сталі агульнаўжывальнымі словамі.

Грамадства

Ці патрэбныя бэбі-боксы? Нованароджанае дзіця знайшлі ў выграбнай яме ў Гомелі

Ці патрэбныя бэбі-боксы? Нованароджанае дзіця знайшлі ў выграбнай яме ў Гомелі

У дачыненні да жыхаркі узбуджана крымінальная справа.