Вы тут

Духоўнасць і прыгажосць беларускай зямлі - на выставе ў Нацыянальным мастацкім музеі


Такім меркаваннем падзялілася за журналістамі спікер Савета Рэспублікі Наталля Качанава. 


Наталля Качанава сёння прыняла ўдзел ва ўрачыстым адкрыцці выставы ў Нацыянальным мастацкім музеі, на якой дэманструюцца работы ўдзельнікаў VI Міжнароднага мастацкага пленэру «Святасць зямлі беларускай», прысвечанага памяці Мітрапаліта Філарэта і Году народнага адзінства. У мерапрыемстве таксама прыняў удзел Дзяржаўны сакратар Саюзнай дзяржавы Дзмітрый Мезенцаў. 

Адзначым, што Міжнародны мастацкі пленэр стаў знакавай падзеяй не толькі ў духоўным, культурным і мастацкім асяроддзі, але і садзейнічаў яднанню нацыі.

 

— Я уражана, што ў такі кароткі перыяд часу можна стварыць такія цудоўныя працы, — адзначыла Наталля Качанава ў гутарцы з журналістамі. — На мой погляд, тут паказана духоўнасць, адлюстравана прыгажосць беларускай зямлі, аблічча нашага паважанага Уладыкі Філарэта. 

Спікер верхняй палаты парламента акцэнтавала ўвагу на таленце маладых мастакоў:

— Для таго, каб стварыць такую работу, трэба не проста ўменне і талент, а патрэбна яшчэ і духоўнасць. Павінны быць у душы светлыя пачуцці, — лічыць яна. — Гэта ўсё разам дапамагло стварыць выдатныя творы, якія будуць радаваць беларусаў. 

 

Старшыня Савета Рэспублікі пераканана, што выстава павінна быць дасягальная для шырокага кола гледачоў, і будзе выдатна, калі яе змогуць убачыць у іншых гарадах краіны, а не толькі ў сталіцы. 

Гаворачы пра асобу Мітрапаліта Філарэта, спікер верхняй палаты парламента падкрэсліла: 

— Гэта багаслоў, святар, але гэта яшчэ і цудоўны чалавек, герой Беларусі, які ўсё сваё жыццё рабіў усё для таго, каб аб’ядноўваць нас, каб наша краіна была мірная, спакойная і заклікаў нас да гэтага. Я не адчуваю, што яго няма з намі. Таму, што пры ўсёй яго шматграннасці, ён умеў дайсці да кожнага чалавека: кожны мог знайсці пры размове з уладыкам усё тое, што ён хацеў пачуць. Ён разумеў і любіў кожнага. Таму мы павінны прытрымлівацца запаведзяў нашага глыбокапаважанага Мітрапаліта Філарэта, першага Экзарха ўсяе Беларусі, — рэзюмавала Наталля Качанава. 

 

Нагадаем, што Мітрапаліт Філарэт — быў адным з тых, хто сваёй падзвіжніцкай дзейнасцю аб’ядноўваў беларускі народ, абапіраючыся на сапраўдныя духоўныя, маральныя, культурныя, патрыятычныя і маральныя каштоўнасці.

 

Вольга АНУФРЫЕВА

Фота прадастаўлены прэс-службай Савета Рэспублікі

Выбар рэдакцыі

Культура

Жэмчуг і пясок. Пяць расчараванняў Максіма Багдановіча

Жэмчуг і пясок. Пяць расчараванняў Максіма Багдановіча

існуе тэорыя, што толькі той, каму выпала перажыць моцныя ўзрушэнні, можа стаць сапраўдным паэтам.

Грамадства

Вакцынацыя і рэвакцынацыя: калі і каму прышчапляцца ад каранавіруса паўторна

Вакцынацыя і рэвакцынацыя: калі і каму прышчапляцца ад каранавіруса паўторна

Якую вакцыну выбраць для паўторнай прышчэпкі ад каранавіруса?

Грамадства

Крэпасць духу. 10 натхняльных храмаў Гродзеншчыны

Крэпасць духу. 10 натхняльных храмаў Гродзеншчыны

Гэта культурнае багацце прыцягвае ў краіну масу падарожнікаў.