Вы тут

Паэтычныя ветры сучаснасці


У Выдавецкім доме «Звязда» прадаўжаецца выпуск серыі кніг, якія адлюстроўваюць лепшыя здабыткі беларускай паэзіі другой паловы XX — пачатку XXI стагоддзяў. Навінка ў гэтым творчым праекце — зборнік вершаў лаўрэата Рэспубліканскай літаратурнай прэміі «Залаты Купідон» Алеся БАДАКА. Назва кнігі — «Уладар ветру». 


Раней Выдавецкі дом «Звязда» выпусціў цэлы шэраг паэтычных зборнікаў, паяднаных фарматам, агульнымі падыходамі ў афармленні вокладак, — Анатоля Сыса («Звон»), Генадзя Бураўкіна («Мой боль і запавет»), народнага паэта Беларусі Рыгора Барадуліна («Ніткі бліскавіц»), Леаніда Дранько-Майсюка («Скарб»). Укладальнікам гэтых кніг выступіў лаўрэат Нацыянальнай літаратурнай прэміі Віктар Шніп, дасведчаны знаўца нацыянальнай паэзіі, перакладчык. 

У зборніку Алеся Бадака прадстаўлены творы з ранейшых яго паэтычных кніг — «Будзень» (1989), «За ценем самотнага сонца» (1995), «Маланкавы посах» (2004), «Развітанне з весчнасцю» (2019), а таксама новыя паэтычныя здабыткі таленавітага мастака слова. 

Нагадаем, што за творчую працу паэт, перакладчык, празаік дырэктар выдавецтва «Мастацкая літаратура» Алесь Бадак адзначаны высокімі дзяржаўнымі ўзнагародамі — медалём Францыска Скарыны, ордэнам Францыска Скарыны. Таксама пісьменнік з’яўляецца лаўрэатам прэміі СНД «Зоркі Садружнасці». Творы Алеся Бадака перакладзены на рускую, польскую, украінскую, марыйскую, кітайскую, англійскую, венгерскую, украінскую і іншыя мовы народаў свету. 

А ў бліжэйшых планах Выдавецкага дома «Звязда» — выданне паэтычных зборнікаў Яўгеніі Янішчыц, Васіля Сахарчука, Генадзя Праневіча, Алеся Пісьмянкова і іншых вядомых літаратараў. 

Сяргей ШЫЧКО

Выбар рэдакцыі

Сям'я і дэмаграфія

Святлана Клачкова: Чым больш дзяцей, тым больш любові

Святлана Клачкова: Чым больш дзяцей, тым больш любові

Як жа шматдзетная сям’я спраўляецца з хатнімі клопатамі? 

Культура

Сёлета музей Янкі Купалы адзначае юбілей

Сёлета музей Янкі Купалы адзначае юбілей

«Пласт роднай зямлі — п’едэстал для паэта...» 

Грамадства

Ці забяспечваецца ахова грамадскага парадку на Мінскім моры?

Ці забяспечваецца ахова грамадскага парадку на Мінскім моры?

Пра гэта даведаліся карэспандэнты «Звязды».

Гандаль

Кандытарскія вырабы — брэнд беларускай харчовай прамысловасці

Кандытарскія вырабы — брэнд беларускай харчовай прамысловасці

Напярэдадні Міжнароднага сімпозіума кандытараў эксперты расказалі аб планах і перспектывах кандытарскай галіны.