Вы тут

Надзейны транспарт Надзеі


Надзея ШАШКОВА, жыхарка вёскі Турск Рагачоўскага раёна, ездзіць на скутары ўжо трыццаць пяць гадоў, і за гэты немалы вадзіцельскі стаж у Надзеі Ільінічны толькі другі жалезны конік. У свой час скутар дапамагаў былому работніку раёнага камбіната бытавога абслугоўвання быць мабільным — даязджаць да працы, наведваць сваіх сталых заказчыкаў у вёсках, прымаць ад іх чарговыя заказы, своечасова адвозіць выкананую працу. Болей за сорак гадоў Надзея Шашкова была прыёмшчыцай комплексна-прыёмнага пункта ў санаторыі «Прыдняпроўскі». Падзяк у яе працоўнай кніжцы — не злічыць! Яшчэ дванаццаць гадоў працавала на пенсіі. Была старшынёй ветэранскай арганізацыі, дагэтуль старшыня гаражнага кааператыва.


Цяпер двухколавы сябар дапамагае пенсіянерцы выбірацца ў лес па грыбы, ездзіць да сына ў суседнюю вёску. Дарэчы, тэхнічнае абслугоўванне свайго сродку перамяшчэння вяскоўка па магчымасці робіць сама.

— Тэхніка любіць адны рукі, — кажа першая ў раёне «байкерша». — Я ездзіла на ім і ў Гомель, і ў Бабруйск, а колькі па мясцовых прасёлках наматала, і ўсё без сур’ёзных паломак. Я вельмі дысцыплінаваны кіроўца!

У вадзіцельскіх правах Надзеі Ільінічны таксама парадак: ніводнай дзіркі ў талоне! А свае правы на кіраванне транспартам яна атрымала пяцьдзясят чатыры гады таму.

Анатоль КЛЯШЧУК

Фота аўтара

Выбар рэдакцыі

Палітыка

Крызіс на мяжы. Уся аператыўная інфармацыя на пятніцу (абнаўляецца)

Крызіс на мяжы. Уся аператыўная інфармацыя на пятніцу (абнаўляецца)

Аператыўная інфармацыя з беларуска-польскай мяжы.

Грамадства

У вясковай школе арганізавалі музей у гонар загінуўшых байцоў Вялікай Айчынай вайны

У вясковай школе арганізавалі музей у гонар загінуўшых байцоў Вялікай Айчынай вайны

Байцы 174-га стралковага палка загінулі пры вызваленні вёскі Шылін.

Палітыка

Крызіс на мяжы. Уся аператыўная інфармацыя на чацвер

Крызіс на мяжы. Уся аператыўная інфармацыя на чацвер

Аператыўная інфармацыя з беларуска-польскай мяжы.