Вы тут

Аўтары «Звязды» наведалі будучых аграрыяў


Напрыканцы навучальнага году ў Мар’інагорскім дзяржаўным аграрна-тэхнічным каледжы імя У.Лабанка адбыўся незвычайны ўрок па беларускай літаратуры. На сустрэчу з будучымі аграрыямі прыехалі тыя, чые імёны згадваюцца ў падручніку, – аўтары «Звязды», паэты і пісьменнікі Віктар Шніп і Людміла Рублеўская.


Падчас сустрэчы галоўнымі сталі дзве тэмы: Год гістарычнай памяці і юбілей Янкі Купалы і Якуба Коласа.

Намеснік дырэктара выдавецтва «Мастацкая літаратура»-галоўны рэдактар часопіса «Полымя» Віктар Шніп распавёў, якую ролю ў ягоным жыцці адыграла знаёмства з творчасцю і асобай Янкі Купалы. Віктар нарадзіўся за дзесяць кіламетраў ад Вязынкі, радзімы песняра, і ў дзяцінстве хадзіў «у госці да Купалы», верачы, што паэт жывы і можа ацаніць ягоныя вершы. Віктар Шніп таксама прадставіў свой паэтычны зборнік «Васільковы мёд», які выйшаў у «Звяздзе», і зачытаў адтуль вершы.

Людміла Рублеўская распавяла пра кнігі серыі «Авантуры Пранціша Вырвіча», якія таксама пабачылі свет у Выдавецкім доме «Звязда», і пра тыя мясціны Беларусі, якія там апісваюцца.

Пісьменніца заклікала юнакоў і дзяўчат вывучаць гісторыю сваёй радзімы, збіраць звесткі пра свой сямейны радавод, пра родную вёску ці мястэчка. Таму што паўсюль жылі незвычайныя людзі, адбываліся вартыя ўвекавечвання ў мастацкім творы падзеі, паўсюль можна знайсці помнікі гісторыка-культурнай спадчыны. 

Сустрэча прайшла з удзелам супрацоўнікаў мінскай крамы «Акадэмічная кніга», якія прадставілі шырокі асартымент прадукцыі Выдавецкага дому «Звязда».

Навучэнцы змаглі набыць выданні, якія іх зацікавілі, і атрымаць аўтографы гасцей.

Людміла ІВАНОВА

Выбар рэдакцыі

Спорт

Віцэ-прэзідэнт НАК Дзмітрый Даўгалёнак: Спартсмены не хацелі страціць тую Алімпіяду

Віцэ-прэзідэнт НАК Дзмітрый Даўгалёнак: Спартсмены не хацелі страціць тую Алімпіяду

Пра сваё спартыўнае мінулае і цяперашняе наш герой расказаў «Звяздзе».

Культура

Эпоха Купалы: далёкая і незабытая. Дзе пабачыць аўтографы паэта і вершы ў патроннай гільзе?

Эпоха Купалы: далёкая і незабытая. Дзе пабачыць аўтографы паэта і вершы ў патроннай гільзе?

Наша размова ішла пра ўспрыманне спадчыны Песняра і падыходы да яе захавання.