Новы рэсурс, які будзе запушчаны ў гэтым годзе, дазволіць падарожнікам адкрываць турыстычныя магчымасці горада Гомеля і Гомельскай вобласці, — паведаміў загадчык сектара спорту і турызму Гомельскага аблвыканкама Ігар Назарчук.
Турыст, які скачае мабільны дадатак, зможа самастойна выбраць маршрут, выбудаваць сваё падарожжа з улікам раскладу руху транспарту і нават надвор’я.
У мабільным гідзе можна знайсці карту, дзе пазначаны аб’екты для наведвання, месцы размяшчэння і харчавання. Тут жа суб’екты туріндустрыі змогуць самастойна дадаваць інфармацыю пра свае паслугі, а госці пакідаць водгукі.
Інфармацыю пра сваё падарожжа можна захаваць ў закладках ці падзяліцца ёй з сябрамі, якія захочуць паўтарыць ваш маршрут.
Алена ДЗЯДЗЮЛЯ
Прэв’ю: БелТА
Сумесныя праекты ядзерных тэхналогій.
У парадку дня — зацвярджэнне Канцэпцыі нацбяспекі і Ваеннай дактрыны.
