Вы тут

Пісьменніцкая газета прысвечана Башкартастану


10 кастрычніка ў Беларусі пачнуцца Дні башкірскай літаратуры. У госці ў нашу краіну прыязджае вялікая група пісьменнікаў з Уфы. Напярэдадні падзеі ў газеце «Літаратура і мастацтва» здзейснены спецыяльны выпуск, прысвечаны башкірскай літаратуры. 


Фота: pixabay.com

З апавяданнямі ў нумары ад 6 кастрычніка выступаюць Зухра Буракаева (яе твор «Змей» пераклала Алена Стэльмах) і Айгіз Баймухаметаў (яго «Мару» таксама пераклала А. Стэльмах). 

Паэтычная падборка «О, Урал святы, зямля мая, ты — мой бацька, сын твой верны я!» адкрываецца вершамі легендарнага нацыянальнага героя і паэта Салавата Юлаева ў перакладах Рагнеда Малахоўскага. Творы Гульназы Кутуевай і Ларысы Абдулінай пераклала беларуская паэтэса Іна Фралова. Таксама ў паэтычным раздзеле «башкірскага сшытка» — вершы Руслана Сулейманава, Танзілі Даўлетдзінавай, Святланы Чураевай у перакладах Навума Гальпяровіча, Генадзя Аўласенкі, Віктара Шніпа. 

Асобная старонка — «Не шкадуючы жыццяў» — пра пісьменнікаў, якія ваявалі ў Беларусі ў Вялікую айчынную вайну. У артыкуле Максіма Пясчанскага — пра Шарыфа Бікулава, Рамазана Кутушава, Назара Наджмі, Мусу Галі і іншых паэтаў і празаікаў. У Беларусі 6 ліпеня 1944 года загінуў башкірскі савецкі паэт Зінап Куціп. У нумары «ЛіМа» да Дзён башкірскай літаратуры ў Беларусі — і гутарка з ураджэнцам Уфы галоўным дырыжорам Вялікага тэатра Беларусі Арцёмам Макаравым. Народны артыст Рэспублікі Башкартастан Арцём Валянцінавіч Макараў толькі сёлета заняў высокую пасаду ў славутым мінскім тэатры. Дырыжор расказвае пра свае першыя ўражанні, пра родны Башкартастан. 

Сяргей ШЫЧКО

Выбар рэдакцыі

Калейдаскоп

Усходні гараскоп на наступны тыдзень

Усходні гараскоп на наступны тыдзень

Стральцам на гэтым тыдні не трэба пераацэньваць сваіх магчымасцяў.

Гандаль

Кандытарскія вырабы — брэнд беларускай харчовай прамысловасці

Кандытарскія вырабы — брэнд беларускай харчовай прамысловасці

Напярэдадні Міжнароднага сімпозіума кандытараў эксперты расказалі аб планах і перспектывах кандытарскай галіны.

Сям'я і дэмаграфія

Святлана Клачкова: Чым больш дзяцей, тым больш любові

Святлана Клачкова: Чым больш дзяцей, тым больш любові

Як жа шматдзетная сям’я спраўляецца з хатнімі клопатамі?