У бягучыя суткі тэрыторыя нашай краіны апынецца пад уплывам атмасфернага фронту, дажджоў будзе няшмат, але за фронтам пачне паступаць больш халоднае паветра з поўначы Еўропы. І пахаладае, перадае Белгідрамет.
Чакаецца рэзкае пахаладанне, уначы аж да адмоўных тэмператур. Так, заўтра днём месцамі па паўночна-ўсходняй частцы краіны, а ўначы па поўначы нашай тэрыторыі чакаюцца кароткачасовыя дажджы. Тэмпература паветра ўначы складзе 2—8 цяпла, у асобных раёнах на тарфяніках Брэсцкай вобласці магчымы слабыя замаразкі да нуля — мінус 2 градусаў. Тэмпература паветра ўдзень складзе ад плюс 14 да плюс 19 градусаў, па паўднёвым захадзе краіны паветра прагрэецца да 20—22 цяпла.
У чацвер будзе пераважна без ападкаў. Уначы — ад 2 да 8 градусаў цяпла, у асобных раёнах на тарфяніках Палесся магчымы слабыя замаразкі да нуля — мінус 2 градусаў. А ўдзень будзе да 17—24 цяпла. Пераважна без ападкаў і ў пятніцу, толькі па паўночным усходзе краіны месцамі пройдуць кароткачасовыя дажджы. Тэмпература паветра ўначы складзе 5—12 цяпла, удзень — ад плюс 19 па паўночным усходзе да плюс 26 градусаў па паўднёвым захадзе краіны. І далей зноў гарачыня. Чэрвень.
Сяргей КУРКАЧ
Летась зафіксавана зніжэнне колькасці выпадкаў гібелі на вытворчасці.
Карэспандэнты «Звязды» пабачылі, як праходзяць рэпетыцыі.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.