Вы здесь

Якую сумесную заяву разглядалі парламентарыі па падтрыманні калектыўнай бяспекі?


Днямі адбылося пазачарговае пасяджэнне Пастаяннай камісіі Парламенцкай Асамблеі Арганізацыі Дагавора аб калектыўнай бяспецы па палітычных пытаннях і міжнародным супрацоўніцтве. Парламентарыі сустрэліся ў фармаце відэаканферэнцыі і абмеркавалі праект заявы Савета ПА АДКБ аб недапушчальнасці замежнага ўмяшання ў выбарчыя працэсы краін — членаў арганізацыі.


Як адзначыў намеснік старшыні Пастаяннай камісіі ПА АДКБ, намеснік старшыні камітэта Дзяржаўнай думы Федэральнага сходу Расійскай Федэрацыі па міжнародных справах Дзмітрый НОВІКАЎ, выбары, якія абдыліся ў дзяржавах — членах АДКБ, прадэманстравалі сталасць і ўстойлівасць выбарчых сістэм, вольны, адкрыты, канкурэнтны характар выбараў, што адпавядае нацыянальнаму заканадаўству, агульнапрынятым універсальным і рэгіянальным міжнародным абавязацельствам у гэтай галіне.

У той жа час, нагадаў выступоўца, падчас выбараў назіралася прамое і ўскоснае знешняе ўмяшанне, якое мела на мэце паставіць пад сумненне іх дэмакратычны характар і праявілася, у прыватнасці, у неаб'ектыўнай ацэнцы працэсаў, што адбыліся, і шырокім выкарыстанні сацсетак, відэахостынгаў і іншых сродкаў масавай камунікацыі для сістэмных інфармацыйных укідаў, накіраваных на расслаенне і палярызацыю грамадства і правакуючых электарат на радыкальныя дзеянні.

Асаблівую заклапочанасць, падкрэсліў парламентарый, выклікае ўмяшанне ў нацыянальныя выбарчыя працэсы дзяржаў — членаў АДКБ афіцыйных прадстаўнікоў шэрагу замежных дзяржаў. Пры гэтым дзяржавы, якія выкарыстоўваюць такія метады, прытрымліваюцца двайных стандартаў і, як правіла, у іх саміх адзначаюцца сур'ёзныя праблемы з арганізацыяй і правядзеннем выбараў. Такія дзяржавы і іх прадстаўнікі не маюць права ўмешвацца ў выбарчыя працэсы, тым больш навязваць якіясьці патрабаванні дзяржавам — членам Арганізацыі па іх ажыццяўленні.

«Вялікую небяспеку ўяўляюць сабой кіруемыя з-за мяжы інфармацыйныя рэсурсы, сацыяльныя сеткі і відэахостынгі, якія, як паказала практыка, ажыццяўляюць палітычную цэнзуру анлайн-кантэнту без рашэння суда ці іншых упаўнаважаных органаў, — гаворыцца ў заяве. — Лічым такую антыдэмакратычную практыку прамой пагрозай суверэнітэту і нацыянальнай бяспецы дзяржаў — членаў АДКБ».

Парламентарыі рашуча заяўляюць аб недапушчальнасці ўмяшання ва ўнутраныя справы дзяржаў — членаў Арганізацыі і неабходнасці прыняцця мер па ўзмацненні нацыянальнага нагляду за замежнымі інфармацыйнымі рэсурсамі. Яны перакананыя, што грубае парушэнне асноўных дэмакратычных прынцыпаў і свабод у глабальных інфармацыйных сетках патрабуе адэкватнай ацэнкі з боку міжнародных, у тым ліку парламенцкіх, арганізацый.

— Нацыянальная бяспека — гэта найважнейшы пастулат развіцця суверэннай беларускай дзяржавы, — падкрэсліла ў гутарцы з журналістамі намеснік старшыні Пастаяннай камісіі Палаты прадстаўнікоў па правах чалавека, нацыянальных адносінах і сродках масавай інфармацыі Лілія АНАНІЧ. — Нацыянальная бяспека заўсёды была ў абароннай сферы, але сёння я зрабіла б акцэнт на інфармацыйную сферу: на тыя метады і формы гібрыдных войнаў, якія суправаджаюцца масіраванымі інфармацыйнымі атакамі. Таму сёння ў нашай краіны ёсць вялікі вопыт і дакладнае бачанне таго, як абараніць нашу краіну ад замахаў у любой сферы.

Салідарны з калегай і старшыня Пастаяннай камісіі Савета Рэспублікі па міжнародных справах і нацыянальнай бяспецы Сяргей РАЧКОЎ. Ён звярнуў увагу на тое, што падчас мінулых выбараў, якія адбыліся ў нашай краіне, Казахстане, Кыргызстане, адзначалася ўмяшанне асобных замежных дзяржаў і іх прадстаўнікоў у выбарчыя працэсы.

— Мы лічым такія падыходы недапушчальнымі, — падкрэсліў ён. — Асабліва недапушчальна тое, што гэтымі структурамі актыўна выкарыстоўваюцца інфармацыйныя рэсурсы, сацыяльныя сеткі для таго, каб стварыць атмасферу і пераканаць (у першую чаргу) замежную грамадскасць аб недэмакратычным характары выбарчых сістэм у нашых краінах. Мы катэгарычна адмаўляем такія падыходы.

Парламентарый растлумачыў, што сёння гаворка не ідзе аб выпрацоўцы нейкіх мер, хутчэй — аб выказванні занепакоенасці тым, што назіралі ў 2020 годзе, у пачатку 2021-га.

— Мы рыхтуем заяву, што будзе разглядацца Саветам Парламенцкай Асамблеі АДКБ у канцы сакавіка, пасяджэнне якой адбудзецца ў Душанбэ, — расказаў Сяргей Рачкоў. — Я перакананы, што кіраўнікі і парламенцкія дэлегацыі, якія будуць удзельнічаць у пасяджэнні Савета ПА АДКБ, разгледзяць гэтую заяву і таксама абмяркуюць магчымыя меры супрацьдзеяння такім з'явам.

Вольга АНУФРЫЕВА

Выбор редакции

Общество

Выбираем оптимальное время года для похудения. Спойлер: и это не лето!

Выбираем оптимальное время года для похудения. Спойлер: и это не лето!

Жизнь в «эпоху потребления» — серьезное испытание для человека.

Культура

Минск 1941. Как это было

Минск 1941. Как это было

Небо почернело от самолетов.

Культура

22 июня 1941 года разделила жизнь белорусов на «до» и  «после»

22 июня 1941 года разделила жизнь белорусов на «до» и «после»

Они еще не знали, что впереди — долгие три года жизни под оккупацией.

Общество

Игорь Петришенко: ЦТ — соревнование, и победа в нем должна быть честной!

Игорь Петришенко: ЦТ — соревнование, и победа в нем должна быть честной!

Социальное дистанцирование и наполняемость до 50 человек — таковы требования к аудиториям ЦТ.