Валерый Цапкала вызвалены ад пасады дырэктара дзяржаўнай установы "Адміністрацыя Парку высокіх тэхналогій".
Адпаведнае распараджэнне Прэзідэнт Беларусі Аляксандр Лукашэнка падпісаў 2 сакавіка, паведамляе прэс-служба беларускага лідэра.
Валерый Цапкала узначальваў ПВТ з пачатку яго працы ў 2006 годзе. Пляцоўка ўяўляе з сябе асаблівую эканамічную зону са спецыяльным падаткова-прававым рэжымам: кампаніі-рэзідэнты вызваляюцца ад шэрагу падаткаў, сбораў і абавязковых плацяжоў у бюджэт дзяржавы. Мэтай стварэння парку было фарміраванне спрыяльных умоў для распрацоўкі праграмнага забеспячэння, а таксама развіцця інфармацыйна-камунікацыйных тэхналогій.
За час працы ПВТ IT-сектар стаў адным з прыярытэтных кірункаў развіцця эканомікі Беларусі. Летась аб’ём вытворчасці праграмнага забеспячэння усімі кампаніямі-рэзідэнтамі склаў 1790,2 мільёны рублёў. Пераважная частка прадукцыі ідзе на экспарт — у 2016 годзе яго аб’ём склаў 820,6 мільёнаў долараў. Усяго у парку зарэгістравана 165 рэзідэнтаў, сярод іх такія гіганты IT-індустрыі, як EPAM і Wargaming. Акрамя непасрэдна вытворчасці камп’ютарных праграм, ПВТ займаецца развіццём інавацыйных кірункаў эканомікі, адукацыйнымі праектамі.
Яраслаў ЛЫСКАВЕЦ
Сумесныя праекты ядзерных тэхналогій.
У парадку дня — зацвярджэнне Канцэпцыі нацбяспекі і Ваеннай дактрыны.