У верхняй палаце беларускага парламента адбылася сустрэча старшыні Пастаяннай камісіі Савета Рэспублікі Нацыянальнага сходу па адукацыі, навуцы, культуры і сацыяльным развіцці Ірыны Старавойтавай і намесніка старшыні гэтай камісіі, намесніка старшыні Мінскага абласнога выканаўчага камітэта Віктара Сірэнкі з навучэнцамі Дзераўнянскай сярэдняй школы Стаўбцоўскага раёна.
Старшакласнікі азнаёміліся з гісторыяй будынка, у якім размяшчаецца Савет Рэспублікі, наведалі музей сувеніраў, перададзеных беларускім парламентарыям дэлегацыямі з замежных дзяржаў, апрабавалі сістэму галасавання ў зале пасяджэнняў.
Ірына Старавойтава расказала школьнікам пра гісторыю станаўлення беларускага парламентарызму, парадак фарміравання, кампетэнцыі і структуры Савета Рэспублікі, удасканаленне заканадаўчага рэгулявання сацыяльнай сферы, больш падрабязна спынілася на дзейнасці Пастаяннай камісіі, якую яна ўзначальвае. Віктар Сірэнка закрануў тэму ўзаемадзеяння мясцовых выканаўчых і распарадчых органаў і Саветаў дэпутатаў.
Парламентарыі пажадалі маладым людзям поспехаў у засваенні новых ведаў і дасягнення пастаўленых мэт.
Вераніка ПУСТАВІТ
Летась зафіксавана зніжэнне колькасці выпадкаў гібелі на вытворчасці.
Карэспандэнты «Звязды» пабачылі, як праходзяць рэпетыцыі.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
