Вы тут

Яшчэ тры выпадкі каранавіруса пацверджаны ў Беларусі


Міністэрства аховы здароўя Беларусі паведаміла аб двух новых выпадках каранавіруса ў рэспубліцы. Яны зафіксаваныя ў Мінску і Гомелі. Яшчэ адзін выпадак зарэгістраваны ў Гродне.


Станоўчы тэст на РНК каранавіруса COVID-19 атрыманы ў жыхара Гомеля, які вярнуўся з Партугаліі.

Пацыент шпіталізаваны ў Гомельскую абласную інфекцыйную клінічную бальніцу. На сённяшні момант стан яго здавальняючы. Праводзіцца актыўная шпіталізацыя пацыентаў першага ўзроўню (грамадзян, якія прыехалі разам з ім з-за мяжы, а таксама тых, хто быў побач з ім у самалёце). Улічваючы, што тэст праведзены пры ўездзе ў краіну, пагроза далейшага распаўсюджвання ацэньваецца як мінімальная.

Дыягностыка, скіраваная на ўдакладненне, зараз праводзіцца ў аднаго з пацыентаў у Мінску, які прыбыў з Германіі і падчас праходжання мяжы схаваў факт знаходжання ў Паўночнай Італіі.

Як паведаміла  «Гродзенская праўда» са спасылкай на начальніка галоўнага ўпраўлення аховы здароўя Гродзенскага аблвыканкама Алену Краткову, 62-гадовая жанчына прыбыла з Італіі ў Гродна ў ноч з панядзелка на аўторак. Яна сама звярнулася па медыцынскую дапамогу. У аўторак днём была шпіталізавана ў абласную інфекцыйную бальніцу. Ніякіх праяў рэспіраторнай інфекцыі не назіралася. Аднак сёння атрымана лабараторнае пацверджанне наяўнасці ў яе каранавіруса. Пацыентка ізаляваная і знаходзіцца пад пільным наглядам медыцынскіх работнікаў. Праводзяцца мерапрыемствы па выяўленні кантактаў.

Раней у Беларусі было пацверджана дзевяць выпадкаў інфекцыі, выкліканай каранавірусам. Першы пацыент вылечыўся. Яшчэ ў двух пацыентаў пацверджаны адмоўныя вынікі тэстаў. Такім чынам, агульная колькасць выпадкаў дасягнула 12.

Паводле інфармацыі міністра аховы здароўя Уладзіміра Караніка, сёння на лабараторны кантроль бяруць грамадзян, якія вяртаюцца з Італіі, Ірану, Паўднёвай Карэі, Кітая. Тыя, хто вяртаецца з краін, дзе няма некантралюемага распаўсюджання COVID-19, а маюцца спарадычныя выпадкі, правяраюцца з дапамогай цеплавізійнага абсталявання ў момант перасячэння граніцы. Ім рэкамендуецца абмежаваць свае кантакты цягам 14 дзён пасля вяртання, а пры першых сімптомах хваробы звяртацца па медыцынскую дапамогу. Сітуацыя ў іншых краінах адсочваецца штодзень, але пакуль уводзіць дадатковыя абмежавальныя меры не плануецца.

Прадстаўнік Сусветнай арганізацыі аховы здароўя ў Беларусі Батыр Бердыклычаў адзначаў, што сёння існуюць у свеце дзве тэндэнцыі. У Кітаі з лютага колькасць выпадкаў заражэння і смяротнасць зніжаюцца, а ў іншых краінах, напрыклад, Іране, Паўднёвай Карэі, Італіі ідзе тэндэнцыя да значнага росту.

Прэв'ю: pravda.com.ua

Выбар рэдакцыі

Грамадства

Сёння пачаў работу УНС у новым статусе

Сёння пачаў работу УНС у новым статусе

Амаль тысяча дзвесце чалавек сабраліся, каб вырашаць найважнейшыя пытанні развіцця краіны. 

Навука

Наколькі эфектыўна працуе сістэма інтэлектуальнай уласнасці?

Наколькі эфектыўна працуе сістэма інтэлектуальнай уласнасці?

Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.

Здароўе

У Нацыянальны каляндар плануюць уключыць новыя прышчэпкі

У Нацыянальны каляндар плануюць уключыць новыя прышчэпкі

Як вакцыны выратоўваюць жыцці і чаго можа каштаваць іх ігнараванне?

Грамадства

Курс маладога байца для дэпутата

Курс маладога байца для дэпутата

Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.