Вы тут

​На Гомельшчыне маладзёжны форум аб'яднаў больш за тры з паловай тысячы хлопцаў і дзяўчат


На Гомельшчыне маладзёжны форум аб'яднаў у моцную творчую каманду больш за тры з паловай тысячы хлопцаў і дзяўчат з розных куткоў рэгіёна і гасцей вобласці.


Форум разгарнуўся на тэрыторыі абласнога цэнтра алімпійскага рэзерву па лёгкай атлетыцы і на базе Цэнтра інклюзіўнай культуры. Тут, дарэчы, удзельнікаў чакала адно з цэнтральных мерапрыемстваў — адкрыты дыялог «Беларусь — гэта МЫ!» Ён прайшоў у нестандартным фармаце бліц-меркаванняў. На пляцоўцы свае ідэі, прапановы, заўвагі маглі агучыць лідары маладзёжнага руху, прадстаўнікі вертыкалі ўлады, дэпутаты. Удзельнікі абменьваліся ідэямі і вялі перакрыжаванае апытанне.

Напрыклад, востра абмяркоўвалася тэма так званай інфармацыйнай вайны ў інтэрнэт-прасторы. Удзельнікі пляцоўкі гаварылі пра неабходнасць стварэння медыя-холдынга, які будзе адлюстроўваць сітуацыю па розных кірунках. Як прыклад удалага фармату быў названы Telegram-канал «Пул Першага».

Падчас адкрытага дыялогу згадалі і плённы вопыт работы маладзёжнай пляцоўкі «Рух НАПЕРАД». Яна акумулюе ініцыятывы і праекты актыўных прадстаўнікоў маладога пакалення. На цяперашні момант вылучана мноства прапаноў, якія актыўна адпрацоўваюцца, адзначыў старшыня маладзёжнага парламента пры Нацыянальным сходзе Рэспублікі Беларусь Ягор Макарэвіч.

— Некаторыя прапановы скіраваны на доўгатэрміновую перспектыву. Напрыклад, яны датычацца ўнясення змяненняў у Канстытуцыю. Ёсць і больш лакальныя ініцыятывы: паляпшэнне гарадскіх інфраструктур ці змена адукацыйных праграм. Мы разглядаем іх усе, каб затым перадаць у профільныя ведамствы, заканадаўцам, магчыма, прапанаваць да разгляду на будучым Усебеларускім народным сходзе, — адзначыў лідар маладзёжнага парламента. Ён падкрэсліў, што моладзь гатовая не проста ўключацца ў дыялог, але і сачыць за рэалізацыяй сваіх ініцыятыў.

Намеснік старшыні Гомельскага аблвыканкама Андрэй Бараноўскі ўпэўнены: у Беларусі заўсёды ўмелі слухаць і чуць галасы маладых.

— У нас выдатная, актыўная, крэатыўная моладзь. І менавіта ад яе павінен ісці пасыл і прапановы для органаў улады. Нам важна, якім маладыя бачаць развіццё краіны ў будучыні, — сказаў ён.

Між тым у кожным горадзе рэгіёна павінны існаваць цэнтры прыцягнення актыўнай мэтанакіраванай моладзі. Такую думку выказаў член Савета Рэспублікі, першы сакратар Цэнтральнага камітэта БРСМ Дзмітрый Варанюк.

— Як адзначае Прэзідэнт, у моладзі і грамадскіх арганізацый павінны быць не толькі прапановы, але і пэўныя справы. На форумах мы абмяркоўваем ініцыятывы, што паступаюць, і ў далейшым будзем думаць, як іх ажыццявіць, — падкрэсліў Дзмітрый Варанюк. — Адна з прапаноў — ствараць крэатыўныя прасторы для моладзі. Тут можна, напрыклад, арганізоўваць семінары, чытаць кнігі, гуляць у настольныя гульні. І такія цэнтры маладзёжнага прыцягнення павінны быць у кожным раёне, кожным невялікім горадзе, — падзяліўся Дзмітрый Варанюк.

У фармаце відэазвароту ўдзельнікаў форуму вітаў старшыня Гомельскага аблвыканкама Генадзь Салавей. Губернатар звярнуў увагу на тое, што сёння важна захаваць незалежнасць і цэласнасць дзяржавы. Ён заклікаў не паддавацца на правакацыі, бо ўсе супярэчнасці можна вырашаць толькі ў канструктыўным дыялогу.

Насычаная праграма форуму прапанавала ўдзельнікам шматлікія інтэрактыўныя пляцоўкі і прэзентацыі. Госці змаглі акунуцца ў атмасферу працоўных будняў студатрадаў. Актывісты расказалі аб профілях студэнцкага руху.

Аматарам сучаснага мастацтва прапанавалі міні-курс па бодзі-арце і пляценні кос. Паралельна праходзіла выстаўка маладзёжных фотапраектаў.

Наталля КАПРЫЛЕНКА

Фота аўтара

Загаловак у газеце: Пасыл і прапановы ад крэатыўных

Выбар рэдакцыі

Грамадства

«Да штыка ён пяро прыраўняў». Узгадваем ваеннага карэспандэнта Канстанціна Сіманава

«Да штыка ён пяро прыраўняў». Узгадваем ваеннага карэспандэнта Канстанціна Сіманава

28 лістапада 2020 года спаўняецца 105 гадоў з дня нараджэння вядомага рускага пісьменніка, ваеннага карэспандэнта і журналіста Канстанціна Сіманава. 

Грамадства

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

І аднавяскоўцаў людзей, якія ў час вайны ратавалі сям'ю яе бабулі, жонкі афіцэра Чырвонай Арміі.

Спорт

«Вікторыя», якая робіць з Гродна баскетбольную сталіцу

«Вікторыя», якая робіць з Гродна баскетбольную сталіцу

Гродна — горад з багатай не толькі культурнай, але і баскетбольнай гісторыяй. 

Грамадства

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

Такога кшталту справа ў судзе Кастрычнiцкага раёна Гродна разглядаецца ўпершыню.