Вы тут

Маскарад на караблі, якому не страшны айсберг


У час зімовых святаў Вялікі тэатр Беларусі запрашае наведаць музычны маскарад. У выкананні зорак тэатру гучаць знакамітыя хіты, пачынаючы з «Айсберга» Алы Пугачовай і сканчваючы «Let it snow» Фрэнка Сінатры.


Эстэтычна «Навагодні маскарад» нагадвае пачатак ХХ стагоддзя ў Галівудзе: бліскучыя жаночыя ўборы, свецкія размовы і чуткі, пер’е, шампанскае і мігатлівыя агні. Адным словам, усё тое, што асацыюецца з Новым годам. Рэжысёр музычнага прадстаўлення Галіна Галкоўская вырашыла ператварыць сцэну ў вялікі турыстычны карабель, на якім сабраліся таленавітыя госці. Чымсьці гэта нагадвае «Тытанік», але толькі візуальна, сюжэт жа супрацьлеглы трагічна вядомаму: хоць айсберг з’яўляецца (у вядомай песні), карабель прадстаўлення ў мільгаценні агнёў і бляску аркестровай медзі паспяхова даплывае да фіналу.

Дарэчы, асобна хочацца падзякваць аркестру і галоўнаму дырыжору Алегу Лісуну. Без іх працы стварыць зімнюю казку на сцэне не атрымалася б.

Вялікі тэатр Беларусі знакаміты сваімі маштабнымі класічнымі пастаноўкамі. Але «Навагодні маскарад» — дзея, лёгкая ва ўспрыманні. Наведаць святочны канцэрт можна разам з дзецьмі: рознакаляровыя касцюмы і запамінальныя мелодыі не дадуць засумаваць.

Таму выснова такая: калі ў вас няма святочнага настрою, прыходзьце на «Навагодні маскарад». Нават калі прадстаўленне не падасца вам цікавым, то казачны інтэр’ер Вялікага тэатра не пакіне абыякавым.

Канцэрт-сюрпрыз будзе паказвацца 2 і 5 студзеня. Квіткі на музычнае прадстаўленне можна набыць у тэатральных касах Мінска.

Арына Карповіч

Фота Яна Хведчына

Выбар рэдакцыі

Грамадства

Распачынаецца сезон атракцыёнаў. Хто і як сочыць за іх станам?

Распачынаецца сезон атракцыёнаў. Хто і як сочыць за іх станам?

У Беларусі адпрацавала 65 % атракцыёнаў (160 штук), а многія працуюць і звыш 30 гадоў.

Эканоміка

Як выбраць кватэру на другасным рынку

Як выбраць кватэру на другасным рынку

За апошнія некалькі месяцаў рынак другаснага жылля прыкметна ажывіўся. 

Грамадства

Каб набываць тавар бяспечна, ці Як абараніць правы спажыўца

Каб набываць тавар бяспечна, ці Як абараніць правы спажыўца

У краіне на 11 % знізілася агульная колькасць зваротаў грамадзян, звязаных з парушэннем правоў спажыўцоў. 

Грамадства

У Беларусі даследуюць вакцыну супраць раку

У Беларусі даследуюць вакцыну супраць раку

Працягваецца навуковае даследаванне ДНК-вакцыны супраць раку ў рамках беларуска-амерыканскага праекта.