Вы тут

У вокнах Бярозаўскага музея з’явілася зімовая выстава


Цяпер перад будынкам Бярозаўскага гісторыка-краязнаўчага музея часта спыняюцца гараджане. Тут можна стаць наведвальнікам выставы, нават не заходзячы ў музей і не набываючы квіток. У вокнах выстаўлены фотаздымкі, якія адлюстроўваюць Бярозу, яе ваколіцу, славутасці ў зімовую пару – паведамляецца на сайце музея.


Фота: bereza.by

Супрацоўнікі ўстановы задумалі гэтую выставу задоўга да наступлення зімы і звярнуліся да гараджан з просьбай падзяліцца такім здымкамі. Так у музеі паявіліся фота з колам агляду ў гарадскім парку – атракцыёнам, якога даўно няма. Тут і ёлка на гарадской плошчы з карагодам дзяцей, якія даўно сталі дарослымі, і бярозаўскі Дзед Мароз з далёкіх 70-х гадоў. А яшчэ бялюткая брама картэзіянскага манастыра і цудоўна-казачныя пейзажы, якія ўвекавечылі аматары і прафесіяналы фотасправы.

Фота: bereza.museum.by

Таксама музейшчыкі зладзілі анлайн-выставу навагодніх паштовак пад назвай “Сэрца сэрцу вестку падае”. Цікавую гісторыю навагодне-каляднай паштоўкі расказвае вялізная калекцыя з фондаў музея. Тэмамі гэтых мастацкіх картак сталі зімовыя пейзажы, сямейныя сцэнкі каля ёлкі, катанне на санях і каньках, хрысціянскія сюжэты. Значная частка калекцыі – паштоўкі надрукаваныя ў часы СССР. Тут часцей за ўсё сустракаюцца Дзед Мароз і Снягурачка з казачнымі героямі, дзеці на санках і каньках, птушкі сініца і снягір. Нават асваенне космасу адлюстравана ў навагодніх паштоўках: у неба на ракеце ўзлятае Дзед Мароз. Ёсць паштоўкі з самых розных краін свету. Гэтай выставай музейныя работнікі хочуць нагадаць людзям, як важныя для кожнага знакі ўвагі на свята, віншавальнае слова, добрае пажаданне.

Святлана ЯСКЕВІЧ

Выбар рэдакцыі

Грамадства

Гродзенскі заапарк без страт выходзіць з зімоўкі і рыхтуецца да новага сезона

Гродзенскі заапарк без страт выходзіць з зімоўкі і рыхтуецца да новага сезона

Літаральна нядаўна з'явіўся і першы ў гэтым годзе прыплод.

Грамадства

Анёл па імені Алена. Як прадпрымальніца стала сацработнікам

Анёл па імені Алена. Як прадпрымальніца стала сацработнікам

Сацыяльны работнік тэрытарыяльнага цэнтра сацыяльнай абароны насельніцтва Маскоўскага раёна Мінска Алена Сцепаненка працуе на сваім месцы каля двух гадоў.

Эканоміка

Магілёўскі прадпрымальнік — пра вытворчасць на перыферыі і адказнасць перад сабой і людзьмі

Магілёўскі прадпрымальнік — пра вытворчасць на перыферыі і адказнасць перад сабой і людзьмі

Сідаравічы — невялікі аграгарадок паміж Магілёвам і Быхавам. Менавіта тут знаходзіцца вядомая ў Магілёўскім раёне фермерская гаспадарка Сяргея Куцанава.