Вы тут

Дзень моладзі на «Славянскім базары ў Віцебску» сёлета будзе больш маштабны


Пра гэта паведаміў «Звяздзе» першы сакратар Віцебскага абкама БРСМ Уладзімір Бабічаў.


Сёлета дні моладзі арганізуюць у рамках афіцыйнай праграмы «базару» 16 і 17 ліпеня. Па-ранейшаму эпіцэнтрам падзей стане адна з самых вялікіх плошчаў Еўропы — Перамогі. Арганізатары свята правялі рэбрэндынг: цяпер гэта фэст творчасці «Запальвае моладзь».

Сярод афіцыйных падзей — канферэнцыя, прысвечаная дзейнасці Міжнароднага саюза грамадскіх арганізацый «Расійска-Беларускі саюз моладзі».

Шмат мерапрыемстваў будзе падчас фестывалю. У прыватнасці, сто маладых аматараў забегаў, якія першымі зарэгіструюцца да 16 ліпеня на афіцыйных старонках БРСМ у інтэрнэце, змогуць пазмагацца за галоўны прыз — веласіпед. Прабегчы трэба больш як шэсць кіламетраў.

Відовішчным стане арт-парад: хлопцы і дзяўчаты з усіх куткоў Беларусі, а таксама госці свята пройдуць па адной з галоўных вуліц Віцебска — Леніна. І на плошчы Перамогі правядуць конкурсы вакалістаў, харэаграфічных і арыгінальных жанраў (фокуснікі, барабаншчыцы, мажарэткі). Можна будзе сыграць у настольныя гульні, міні-футбол, баскетбол... Адбудуцца спаборніцтвы маладых гіравікоў на кубкі Саюзнай дзяржавы і старшыні аблвыканкама.

Упершыню маладзёжны фэст завершыцца феерверкам на плошчы Перамогі.

Аляксандр ПУКШАНСКІ

Прэв’ю: pixabay.com

Загаловак у газеце: Маладзёжны праект у новым фармаце

Выбар рэдакцыі

Грамадства

Індыкатар жаночых праблем. Чаму ў дэкальтэ галоўнае не прыгажосць, а здароўе?

Індыкатар жаночых праблем. Чаму ў дэкальтэ галоўнае не прыгажосць, а здароўе?

Часта незразумелы «шарык» можа быць, напрыклад, фібрадэномай.

Грамадства

Калі дапамога патрэбна экстранна, яе заўсёды змогуць аказаць валанцёры Чырвонага Крыжа

Калі дапамога патрэбна экстранна, яе заўсёды змогуць аказаць валанцёры Чырвонага Крыжа

Гучны гул сірэны знянацку застаў пенсіянерку Веру Васільеўну дома.