Падчас пасяджэння дзясятай сесіі Савета Рэспублікі Нацыянальнага сходу сёмага склікання сенатары адобрылі шэраг законапраектаў. Разгледжаныя пытанні тычыліся барацьбы з карупцыяй, падаткаабкладання, дзяржаўнай статыстыкі і рэспубліканскага бюджэту на 2023 год.
Як адзначыў старшыня Пастаяннай камісіі Савета Рэспублікі па заканадаўстве і дзяржаўным будаўніцтве Сяргей Сівец, 15 сакавіка бягучага года ўступілі ў сілу прынятыя на рэспубліканскім рэферэндуме змяненні і дапаўненні ў Канстытуцыю Рэспублікі Беларусь:
— Фактычна з гэтага моманту быў дадзены старт маштабнай рабоце па прывядзенню ў адпаведнасць ключавых законаў нашай краіны з тымі канстытуцыйнымі навацыямі. Кажучы аб унясенні змяненняў ў законапраекты «Аб Нацыянальным сходзе Рэспублікі Беларусь» і «Аб статусе дэпутата Палаты прадстаўнікоў, члена Савета Рэспублікі Нацыянальнага сходу Рэспублікі Беларусь» неабходна адзначыць, што змяненні ў першую чаргу тычацца прывядзення іх у адпаведнасць з абноўленай Канстытуцыяй. Акрамя таго шэраг палажэнняў уносіцца ў адпаведнасць з правапрымяняльнай практыкай, якая была назапашана з моманту прыняцця дадзеных заканадаўчых актаў.
Сяргей Сівец падкрэсліў, што шэраг палажэнняў звязаны з развіццём заканонатворчай работы і заканадаўчых працэсаў:
— Сур’ёзна змяняюцца кантрольныя паўнамоцтвы дэпутатаў Палаты прадстаўнікоў і членаў Савета Рэспублікі. Акрамя таго, прадстаўнікі выканаўчай галіны ўлады будуць выступаць са штогадовымі справаздачамі перад парламентарыямі па сферы сваёй дзейнасці, а таксама з дасягнутымі вынікамі. Сур’ёзна ўзмоцніцца вектар работы парламентарыяў з насельніцтвам, у тым ліку з прыцягненнем прадстаўнікоў мясцовай улады. У сувязі з гэтым была праведзена сістэмная і комплексная работа: лічу, што нам удалося ўлічыць усе неабходныя пытанні, якія трэба было ўрэгуляваць на ўзроўні гэтых двух ключавых праектаў закона, — рэзюмаваў сенатар.
Арына КАРПОВІЧ
Сумесныя праекты ядзерных тэхналогій.
У парадку дня — зацвярджэнне Канцэпцыі нацбяспекі і Ваеннай дактрыны.
