Вы тут

Іван Кубракоў уручыў Баявы Сцяг «Беркуту»


Гісторыя падраздзялення бярэ пачатак у снежні 2022 года, калі на базе вайсковай часці 3214 быў створаны атрад спецыяльнага прызначэння «Беркут». Тыдзень таму ў адпаведнасці з Указам Прэзідэнта ён атрымаў прыстаўку «асобны» з пераўтварэннем у воінскую часць.


У задачы атрада спецыяльнага прызначэння ўнутраных войскаў МУС уваходзіць барацьба з незаконнымі ўзброенымі фарміраваннямі і дыверсійнымі разведвальнымі групамі ў ходзе правядзення контртэрарыстычных аперацый, правядзенне мерапрыемстваў па ўзмацненні аховы Дзяржаўнай граніцы, а таксама вызваленне заложнікаў, захопленых аб’ектаў, пошук і затрыманне ўзброеных злачынцаў.

Баявы Сцяг камандзіру вайсковай часці 5528 уручыў Міністр унутраных спраў Іван Кубракоў. Кіраўнік міліцэйскага ведамства павіншаваў прысутных са знакавай падзеяй і адзначыў, што для адэкватнага рэагавання на выклікі і пагрозы нацыянальнай бяспецы Міністэрствам унутраных спраў рэалізуецца шырокі комплекс мерапрыемстваў па павышэнні баявых магчымасцяў унутраных войскаў.

«Пачынаючы са снежня 2022 года, сфарміравана восем атрадаў спецыяльнага прызначэння і два добраахвотніцкія атрады з ліку ветэранаў спецназа, — канкрэтызаваў Іван Кубракоў. — Аднак для вырашэння задач па абароне дзяржавы або вядзенні контртэрарыстычных дзеянняў у прыграніччы неабходна прафесійнае і мабільнае падраздзяленне, аснашчанае адпаведным узбраеннем. Такім падраздзяленнем стаў «Беркут».

Даючы наказ байцам, міністр звярнуў увагу, што ім трэба будзе асвоіць і эфектыўна прымяняць новыя віды ўзбраення, вывучыць асновы аператыўна-вышуковай дзейнасці. «Упэўнены, вы паспяхова справіцеся з гэтымі задачамі, — заўважыў ён. — Жадаю не спыняцца на дасягнутым і рухацца толькі наперад!»

Ваеннаслужачыя атрымалі з рук міністра ўнутраных спраў заслужаныя ўзнагароды і пагоны чарговых воінскіх званняў, прысвоеных датэрмінова ў парадку заахвочвання.

Па завяршэнні ўрачыстасці кіраўнік ведамства, намеснік міністра — камандуючы ўнутранымі войскамі Мікалай Карпянкоў, камандзіры часцей унутраных войскаў Мінскага гарнізона і асабовы склад «Беркута» ўсклалі вянок і кветкі да стэлы «Мінск — горад-герой».

Вераніка КАНЮТА

Фота прэс-службы МУС

Выбар рэдакцыі

Гараскоп

Усходні гараскоп на наступны тыдзень

Усходні гараскоп на наступны тыдзень

У пачатку тыдня да Ракаў могуць падступна падкрасціся трывогі і сумневы.

Здароўе

Як працуюць санаторныя школы-інтэрнаты для дзяцей, хворых на скаліёз?

Як працуюць санаторныя школы-інтэрнаты для дзяцей, хворых на скаліёз?

Па статыстыцы на пяць хворых дзяўчынак прыходзіцца толькі адзін хлопчык.

Рэгіёны

У якіх ўмовах працавалі медыкі ў гады вайны?

У якіх ўмовах працавалі медыкі ў гады вайны?

Подзвіг ваенурачоў адлюстроўвае выстава Брэсцкага абласнога краязнаўчага музея.

Грамадства

Што трэба ведаць тым, хто адпачывае каля вадаёмаў

Што трэба ведаць тым, хто адпачывае каля вадаёмаў

Нават пры наяўнасці на пляжы ратавальнай станцыі не варта грэбаваць элементарнымі правіламі бяспекі.