Учора, у перадапошні дзень беларуска-расійскіх манеўраў, на палігоне Даманава, што на Брэстчыне, экзамен трымалі зенітчыкі.
Цішыню парушыла пара верталётаў Мі-8. Роўным клінам над нашымі галовамі праляцела звяно вучэбна-баявых самалётаў Як-130. Сёння авіяцыя Ваенна-паветраных сіл і войскаў проціпаветранай абароны Узброеных Сіл Беларусі — умоўны праціўнік.
Удары з неба адбівае змешанае падраздзяленне ў складзе дывізіёна зенітна-ракетнага комплекса С-300 і зенітна-ракетнай батарэі «Аса». Усё — пры ўзаемадзеянні з падраздзяленнямі вайсковай проціпаветранай абароны. Усяго на палігоне задзейнічана каля 150 чалавек і 45 адзінак ваеннай і спецыяльнай тэхнікі.
— Сёння камандаваннем Ваена-паветраных сіл і войскамі проціпаветранай абароны адпрацоўваюцца такія пытанні, як адбіццё ўдараў сродкаў паветранага нападзення праціўніка і наступлення яго ж сухапутных груповак войскаў, — адзначыў намеснік камандуючага ВПС і войскамі ППА генерал-маёр Андрэй ГУРЦЭВІЧ. — Акрамя таго, на практыцы рэалізуецца арганізацыя ўзаемадзеяння і ўсебаковага забеспячэння ў інтарэсах рашэння пастаўленых задач.
Стральбу па паветраных мішэнях вядуць баявыя машыны «Аса», разлікі зенітна-ракетнага комплексу «Ігла», а таксама зенітнай устаноўкі 23-2. Агнявыя задачы выкананы — змешанае падраздзяленне пераводзіцца ў паходнае становішча і перамяшчаецца на іншую пазіцыю.
Як падзяліўся назіральнік за вучэннем з Эстоніі падпалкоўнік Каўпа КІЙС, вайскоўцы паказалі сябе вельмі прафесійна. «У мяне ёсць вопыт прысутнасці на падобных вучэннях у Нарвегіі, Румыніі, — падкрэсліў ваеннаслужачы. — Што тычыцца вучэння ў Беларусі, усё адпавядае таму, што было заяўлена загадзя».
Даслоўна
Начальнік упраўлення інфармацыі — прэс-сакратар галоўнага ўпраўлення ідэалагічнай работы Міністэрства абароны Беларусі Уладзімір МАКАРАЎ:
— Працягваецца другі этап беларуска-расійскага сумеснага стратэгічнага вучэння «Захад-2017», у ходзе якога адпрацоўваюцца пытанні кіравання войскамі (сіламі) ва ўмовах абстаноўкі, якая хутка мяняецца, а таксама пытанні арганізацыі ўзаемадзеяння і ўсебаковага забеспячэння пастаўленых задач. Штабы розных узроўняў працягваюць адпрацоўваць пытанні, звязаныя з кіраваннем войскамі (сіламі) пры вядзенні манеўранай абароны. Ажыццяўляюцца збор, аналіз і абагульненне даных абстаноўкі, на аснове якіх прымаюцца рашэнні, удакладняюцца задачы, адбываецца бесперапыннае кіраванне войскамі падчас выканання вучэбна-баявых задач.
Вераніка КАНЮТА
Брэсцкая вобласць
Фота Надзеі БУЖАН
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
