Жыхар нямецкага горада Кёльн зарабіў больш за 44 тысячы еўра, здаючы адну і тую ж бутэльку, паведамляе выданне Local.
Махляр мадыфікаваў прыёмны аўтамат, які стаяў у яго краме. Ён забяспечыў яго магнітным датчыкам і своеасаблівым драўляным тунэлем, якія не давалі прыладзе здрабніць пластыкавыя бутэлькі. Гэта дазволіла здаваць адну ёмістасць шматразова, кожны раз атрымліваючы ад машыны невялікае ўзнагароджанне. Для таго каб зарабіць 44 тысячы еўра, прадпрымальнаму немцу прыйшлося больш за 177 тысяч разоў змясціць бутэльку ў аўтамат. Пасля атрымання некалькіх цэнтаў ён даставаў непашкоджаную ёмістасць і паўтараў аперацыю зноў.
У кампаніі, што ўстанаўлівае такія аўтаматы, не заўважылі падману і спраўна плацілі ашуканцу грошы. Паліцыя зацікавілася тым, што адбываецца, толькі пасля паведамлення, атрыманага ад ананімнага інфарматара. Суддзя, які разглядаў справу, выказаў здагадку, што падсуднаму прыйшлося пасядзець перад аўтаматам шмат дзён, манатонна выконваючы адны і тыя ж маніпуляцыі. Мужчына адказаў, што змагаўся са смуткам, слухаючы радыё. Ашуканец быў асуджаны на 10 месяцаў турмы.
Іван КУПАРВАС
Сумесныя праекты ядзерных тэхналогій.
У парадку дня — зацвярджэнне Канцэпцыі нацбяспекі і Ваеннай дактрыны.
